कोकणात FDA ची धडक कारवाई, रत्नागिरीत तब्बल ६.०७ लाख रुपयांचा प्रतिबंधित पानमसाला आणि गुटखा जप्त

मिळालेल्या माहितीनुसार महाराष्ट्रातील रत्नागिरी जिल्ह्यात अन्न व औषध प्रशासन (FDA) ने नागरिकांच्या आरोग्याच्या रक्षणासाठी मोठी मोहीम राबवली आहे. यात ६.०७ लाख रुपयांचा प्रतिबंधित पानमसाला आणि गुटखा जप्त करण्यात आला आहे. ही कारवाई रत्नागिरी जिल्ह्यातील सात वेगवेगळ्या ठिकाणी करण्यात आली.  हॉटेल्स, बेकरी, दुकाने अश्या ठिकाणी छापे टाकण्यात आले. 

जप्त केलेला माल मुख्यतः प्रतिबंधित पानमसाला आणि तंबाखूजन्य उत्पादने हे आहे. तसेच 

संबंधित दुकानदारांवर गुन्हे दाखल करण्यात आले आहे. ही कारवाई FDA आयुक्त तुकाराम मुंडे यांच्या मार्गदर्शनाखालील राज्यव्यापी मोहिमेचा भाग आहे.

महाराष्ट्रात गुटखा, पानमसाला, सुगंधित सुपारी इत्यादी उत्पादन, साठवणूक, वाहतूक आणि विक्री पूर्णपणे प्रतिबंधित आहे. FDA सतत अशा कारवाया करत आहे आणि MCOCA सारख्या कठोर कायद्यांचा वापर करण्याची तयारी दाखवत आहे. या उत्पादनांमुळे कॅन्सरसह इतर गंभीर आजार होण्याचा धोका असतो. 

Edited By- Dhanashri Naik