नियम पाळा आणि टाळेबंदी टाळा : मुख्यमंत्री उद्धव ठाकरे

लस उपलब्ध असली तरी सार्वजनिक ठिकाणी मास्क घालणे, हात धूत राहणे आणि सुरक्षित अंतर ठेवणे हे तितकेच महत्वाचे असल्याचं ते म्हणाले. गेल्या काही दिवसांपासून संसर्गात मोठी वाढ होत असून परिस्थिती सुधारली नाही तर आवश्यकतेनुसार काही ठिकाणी नाईलाजाने कडक टाळेबंदी करावी लागेल असा इशाराही ठाकरे यांनी यावेळी दिला.

दरम्यान भाजपाचे प्रदेशाध्यक्ष चंद्रकांत पाटील यांनीही पुण्यात लस घेतली. राज्यात काल २ हजार ४२५ लसीकरण केंद्रांवर २ लाख २८ हजार ५५० जणांना लस देण्यात आली. आतापर्यंत एकंदर २३ लाख ५४ हजार २६१ लाभार्थ्यायचं लसीकरण झाल्याची माहिती आरोग्य विभागानं दिली आहे.