हावडा-मुंबई दुरंतो एक्सप्रेसवर डीआरआय-आरपीएफची धाड, २ कोटी रुपयांचे विदेशी सोने जप्त, तस्करांना अटक

मिळालेल्या माहितीनुसार दक्षिण-पूर्व मध्य रेल्वेच्या अंतर्गत येणाऱ्या आरपीएफ गुन्हे शाखा नागपूर, रायपूर आणि महसूल गुप्तचर संचालनालयनागपूर यांच्या संयुक्त पथकाने ट्रेनमधील मोठ्या प्रमाणावरील सोन्याच्या तस्करीच्या रॅकेटचा पर्दाफाश केला आहे. एका गुप्त माहितीच्या आधारे केलेल्या नियोजित कारवाईत, हावडा-मुंबई दुरंतो एक्सप्रेस मधून अंदाजे १.२४२ किलोग्रॅम अवैध विदेशी सोने जप्त करण्यात आले. जप्त केलेल्या सोन्याचे आंतरराष्ट्रीय बाजारातील अंदाजित मूल्य १९.६ दशलक्ष आहे.

आरपीएफ गुन्हे शाखा, नागपूर येथील एका निरीक्षकाला अशी गुप्त माहिती मिळाली की, दुरंतो एक्सप्रेसमधून दोन संशयित प्रवासी मोठ्या प्रमाणात विदेशी सोन्यासह प्रवास करत आहे. ही माहिती मिळताच, आरपीएफ गुन्हे शाखा, नागपूर, रायपूर आणि डीआरआय, नागपूर येथील अधिकाऱ्यांचे एक विशेष संयुक्त पथक तयार करण्यात आले. संयुक्त पथकाने रायपूरपासून ट्रेनवर पाळत ठेवण्यास सुरुवात केली आणि सतत शोधमोहीम राबवली. ट्रेन भंडारा आणि नागपूर दरम्यान धावत असताना, तपास अधिकाऱ्यांनी एसी कोच बी-१२ मध्ये बसलेल्या दोन संशयित प्रवाशांना ओळखले. त्यांची चौकशी करून आणि त्यांच्या सामानाची कसून तपासणी केल्यावर, अधिकाऱ्यांना विदेशी सोन्याची ७ बिस्किटे आणि सोन्याची १ वडी सापडली. चौकशीदरम्यान, दोन्ही आरोपी सोन्याच्या खरेदी आणि वाहतुकीशी संबंधित वैध कागदपत्रे सादर करू शकले नाहीत. त्यानंतर लगेचच, आरपीएफ आणि डीआरआयच्या पथकांनी दोन्ही आरोपींना ताब्यात घेतले आणि सर्व सोने जप्त केले.

Edited By- Dhanashri Naik