महाराष्ट्रात १३ ऑगस्टपासून कोकण आणि मुंबईसह या जिल्ह्यांमध्ये मुसळधार पावसाचा इशारा

विशेषतः कोकण, घाटमाठा आणि मध्य महाराष्ट्रातील काही भागांमध्ये पावसाचे प्रमाण वाढू शकते. हवामान विभागाने पुढील २४ तासांत बंगालच्या उपसागरात कमी दाबाचे क्षेत्र तयार होण्याचा अंदाज वर्तवला आहे. त्याच्या प्रभावामुळे या महिन्यात महाराष्ट्रात पावसाळा पुन्हा तीव्र होण्याची शक्यता आहे. नागरिकांना पुढील काही दिवस हवामान विभागाचे अपडेट्स आणि प्रशासनाच्या सूचनांवर लक्ष ठेवण्याचा सल्ला देण्यात आला आहे.

मुंबई प्रादेशिक हवामान केंद्राच्या पुढील पाच दिवसांच्या अंदाजानुसार, उत्तर कोकण आणि दक्षिण कोकण-गोव्यातील बहुतांश ठिकाणी पावसाचा अंदाज आहे. मध्य महाराष्ट्रातील काही ठिकाणी आणि मराठवाडा व विदर्भातील तुरळक ठिकाणीही पावसाची शक्यता आहे. कोकणात १२ ऑगस्टपर्यंत पाऊस सुरू राहण्याची शक्यता आहे.

 मध्य महाराष्ट्रातील घाट प्रदेशात पावसाचा जोरही वाढू शकतो. मराठवाड्यात हलका ते मध्यम पाऊस अपेक्षित असून, तुरळक ठिकाणी मेघगर्जनेसह पाऊस पडू शकतो.

Edited By - Priya Dixit