मुंबई-पुण्यात ऑरेंज अलर्ट तर रायगडमधील शाळांमध्ये सुट्टी जाहीर; आयएमडीने मुसळधार पावसाचा इशारा दिला

तसेच पालघर व्यतिरिक्त, पुणे आणि नाशिकच्या घाट भागात बुधवारी रेड अलर्ट जारी करण्यात आला आहे. तर रायगड जिल्ह्यात मुसळधार पावसाचा अंदाज लक्षात घेता, शाळांमध्ये सुट्टी जाहीर करण्यात आली आहे. विद्यार्थ्यांच्या सुरक्षिततेसाठी १९ जून रोजी शैक्षणिक संस्थांना सुट्टी जाहीर करण्यात आल्याचे जिल्हा प्रशासनाने सांगितले. 

मुंबई-ठाण्यात ऑरेंज अलर्ट

बुधवार सकाळपासून मुंबई आणि ठाण्यात मुसळधार पाऊस सुरू आहे. हवामान खात्याने आता ऑरेंज अलर्ट जाहीर केला आहे. 

पुण्यातही मुसळधार पाऊस

पुण्यात सकाळपासून सतत पाऊस पडत आहे. तसेच घाट परिसरात आणि पर्यटन स्थळांमध्ये मुसळधार पाऊस सुरू आहे. त्यामुळे पर्यटकांसाठीही निर्बंध लादण्यात आले आहेत.

राज्याच्या इतर भागातही सतर्कतेचा इशारा

कोकण, मध्य महाराष्ट्र, मराठवाडा आणि विदर्भातील अनेक जिल्ह्यांमध्ये मुसळधार पाऊस आणि जोरदार वारे वाहण्याचा अंदाज आहे. पुणे, सातारा, कोल्हापूर, नाशिक, धुळे, नंदुरबार, अकोला, अमरावती, नागपूर, वर्धा, गोंदिया, लातूर, बीड, नांदेड यासह अनेक जिल्ह्यांमध्ये विजांसह हलका ते मध्यम पाऊस पडण्याची शक्यता आहे.

हवामान विभाग आणि जिल्हा प्रशासनाने नदीकाठच्या, डोंगराळ भागात आणि भूस्खलनाच्या प्रवण भागात राहणाऱ्या लोकांना सतर्क राहण्याचे आवाहन केले आहे. व  लोकांना सावधगिरी बाळगण्याचे आणि अनावश्यक प्रवास टाळण्याचे आवाहन केले आहे.

Edited By- Dhanashri Naik