मिळालेल्या माहितीनुसार बोधगया येथे, महाराष्ट्र भवन उभारण्यासाठी महाराष्ट्र सरकारने प्रयत्न तीव्र केले आहे. राज्याचे सामाजिक न्याय मंत्री आणि पालकमंत्री संजय शिरसाठ यांनी शुक्रवारी बिहारचे मुख्यमंत्री सम्राट चौधरी यांची भेट घेतली आणि या महत्त्वाकांक्षी प्रकल्पासाठी ८ ते १० एकर जमिनीची मागणी केली. त्यांनी स्पष्ट केले की, महाराष्ट्र भवनच्या बांधकाम, विकास आणि देखभालीचा संपूर्ण खर्च महाराष्ट्र सरकार उचलेल. महाराष्ट्र भवनच्या बांधकामामुळे राज्यातील प्रवाशांना मोठा दिलासा मिळेल. ही इमारत यात्रेकरूंना आवश्यक सुविधा पुरवेल.बोधगया येथे 'महाराष्ट्र भवन' उभारणीसाठी पुढाकार! बिहारचे मुख्यमंत्री मा.सम्राट चौधरी यांची भेट घेऊन ८ ते १० एकर जमीन उपलब्ध करून देण्याबाबत चर्चा केली व अधिकृत पत्र सुपूर्द केले. महाराष्ट्रातील भाविक आणि पर्यटकांसाठी हा उपक्रम महत्त्वपूर्ण ठरणार आहे. #BodhGaya #MaharashtraBhavan https://t.co/JwLBSZMgS0
— Sanjay Shirsat (@SanjayShirsat77) November 20, 2026