एसटी ताफ्यात ८,३०० नवीन बसेसची भर पडणार; तोट्यातून सावरण्यासाठी मंत्री प्रताप सरनाईक यांची नवी योजना

महाराष्ट्र राज्याच्या ग्रामीण भागाची जीवनरेखा मानल्या जाणाऱ्या राज्य परिवहन सेवेला तोट्यातून वाचवण्यासाठी राज्य सरकारच्या सहकार्याने एक रणनीती तयार करण्यात आली आहे. परिवहन मंत्री प्रताप सरनाईक यांनी सांगितले की, राज्यातील नागरिकांना परवडणारी, सुलभ आणि विश्वसनीय वाहतूक सेवा देण्यासाठी अनेक पावले उचलण्यात आली आहे.

राज्य विधान परिषदेत त्यांनी सांगितले की, सध्या १४,००० हून अधिक बसेस राज्यातील शहरी, ग्रामीण आणि दुर्गम भागांना सेवा देत आहेत. ही सेवा आणखी मजबूत करण्यासाठी ताफ्यात ८,३०० नवीन बसेसची भर घालण्यात येईल. यापैकी ३,००० बसेस लवकरच सेवेत दाखल होतील. यांची सर्व डेपोंमध्ये टप्प्याटप्प्याने तैनाती केली जाईल.

परिवहन मंत्री प्रताप सरनाईक यांनी सांगितले की, एसटी बस सेवा अनेक वर्षांपासून तोट्यात चालत आहे. एसटी सेवा अधिक कार्यक्षम करण्यासाठी आणि तिची आर्थिक स्थिती सुधारण्यासाठी अनेक महत्त्वपूर्ण पावले उचलली जात आहे. नवीन बसेस चालवण्यासाठी १७,७४२ चालक आणि वाहकांची भरती प्रक्रिया सुरू आहे.  

Edited By- Dhanashri Naik