भाजपच्या जुलमी राजवटीला दिलेली चपराक आहे - राज ठाकरे

राज ठाकरे म्‍हणाले, ‘‘आधी गुजरात निवडणुकांच्या वेळी आणि पुढे कर्नाटक निवडणुका आणि आजच्या निवडणुकांच्या निकालाकडे पाहिले तर एक मान्य करावे लागेल की, राहुल गांधी एकटेच लढत होते आणि त्‍यामुळे आजच्या विजयाचं श्रेय त्‍यांनाच द्यायला हवे.’’ 

‘‘मोदींना पर्याय कोण, याचा विचार करू नका. १२५ कोटींच्या देशात मोदींना पर्याय नक्कीच सापडणार आहे. राम मंदिराचा मुद्दा पुढे आणून लोकांच्या भावनांना हात घालण्याचा प्रयत्न केला जात आहे. मात्र, जनता सुज्ञ आहे. ती पुन्हा फसणार नाही. राहुल गांधी यांच्या नेतृत्वाबद्दल विचारले असता, 'भाजप आता राहुल गांधी यांना पप्पू म्हणण्याचे धाडस करणार नाही. पप्पू आता परमपूज्य झालेत' अशी टिपण्णीही राज यांनी यावेळी केली.