नागपुराला ऑक्सिजनचे 5 टँकर्स उपलब्ध होणार

देवेंद्र फडणवीस यांनी सिलतरा, रायपूर येथील जयस्वाल्स निको लि. या इंटिग्रेटेड स्टिल प्लांटचे सह-व्यवस्थापकीय संचालक रमेश जयस्वाल यांच्याशी संपर्क साधला. फडणवीसांच्या विनंतीला मान देत त्यांनी ऑक्सिजनचे 5 टँकर्स देण्याची तयारी दर्शविली. यानंतर प्रश्न होता तो ऑक्सिजन नागपूरला आणण्याचा. यासाठी फडणवीसांनी जेएसडब्ल्यूचे संदीप गोखले यांच्याशी संपर्क साधला. त्यांनीही टँकर्स देण्याचे मान्य केले. यानंतर फडणवीस यांनी बुधवारी सकाळी जिल्हाधिकारी कार्यालय गाठले आणि या दोघांचे जिल्हाधिकाऱ्यांशी बोलणे करून देत लवकर कारवाई करण्याची विनंती केली. त्यावर जिल्हाधिकाऱ्यांनीही तत्काळ कारवाई करू असे सांगितले.