महाराष्ट्रात अवकाळी पावसाचा इशारा! अनेक जिल्ह्यांमध्ये विजांचा कडकडाट आणि सोसाट्याच्या वाऱ्याची शक्यता

महाराष्ट्रात पुन्हा एकदा अवकाळी पावसाची शक्यता आहे. हवामान विभागाने ३१ ऑक्टोबर ते ४ नोव्हेंबर दरम्यान राज्याच्या विविध भागांमध्ये पाऊस आणि मेघगर्जनेसह पावसाचा अंदाज वर्तवला आहे. मुंबई, ठाणे, पालघर आणि नाशिकसह अनेक जिल्ह्यांमध्ये पावसाची शक्यता आहे, तर विदर्भातील काही जिल्ह्यांमध्ये विजांचा कडकडाट आणि ताशी ३० ते ४० किलोमीटर वेगाच्या सोसाट्याच्या वाऱ्याचा इशारा देण्यात आला आहे.

हवामान विभागाच्या अंदाजानुसार, ३१ ऑक्टोबर रोजी मुंबई, ठाणे, पालघर आणि कोकणातील रायगडमध्ये पावसाची शक्यता आहे. दरम्यान, रत्नागिरी आणि सिंधुदुर्गमध्ये ४ नोव्हेंबरपर्यंत पाऊस आणि मेघगर्जनेसह पाऊस सुरू राहण्याची शक्यता आहे.

पुणे, नाशिक आणि अहिल्यानगरमध्येही पावसाची शक्यता आहे. मध्य महाराष्ट्रातील काही जिल्ह्यांमध्ये हवामानात बदल होण्याची शक्यता आहे. 

हवामान विभागाने विदर्भातील अनेक जिल्ह्यांमध्ये मेघगर्जनेसह पाऊस आणि सोसाट्याच्या वाऱ्याचा अंदाज वर्तवला आहे. नागपूरमध्ये १ ते ४ नोव्हेंबर दरम्यान तुरळक भागांमध्ये विजांचा कडकडाट, हलका ते मध्यम पाऊस आणि ताशी ३० ते ४० किलोमीटर वेगाचे सोसाट्याचे वारे वाहण्याची शक्यता आहे. गोंदिया आणि गडचिरोलीमध्ये संपूर्ण पाच दिवस मेघगर्जनेसह पाऊस, विजांचा कडकडाट आणि सोसाट्याच्या वाऱ्यांची शक्यता आहे.  

वर्धा, यवतमाळ आणि वाशिम येथेही २ ते ४ नोव्हेंबर दरम्यान हवामानात बदल होईल, तसेच मेघगर्जनेसह पाऊस आणि विजांचा कडकडाट होण्याची शक्यता आहे.