रेमडेसिवीर इंजेक्शनकरता अजूनही वणवण सुरु

“सध्याच्या परिस्थितीत रुग्णांच्या नातेवाईकांना रेमडेसिवीर इंजेक्शनकरता वणवण करावी लागत आहे. मात्र, आता मुंबई महापालिका पूर्णपणे प्रयत्न करत असून आता महापालिकेच्या रुग्णालयात रेमडेसिवीरचा तुटवडा होऊ देणार नाही. गेल्या दोन दिवसांपूर्वी आपल्याला ऑक्सिजनचा तुटवडा जाणवू लागला होता. मात्र, ज्याठिकाणी ऑक्सिजनचा साठा होता त्याठिकाणी आपण रुग्णांना पाठवले होते. मात्र, आता असे देखील दिसून येते की, बऱ्या झालेल्या रुग्णांचा अचानक ऑक्सिजन कमी होतो. त्यामुळे त्यांच्या नातेवाईकांना धावपळ करावी लागते. पण, आता मुंबई महापालिकेने बेड वाढवले आहेत. त्यामुळे आता ही देखील चिंता मिटण्याची शक्यता आहे”.