आरटीआय कार्यकर्ता रवींद्र बऱ्हाटे अखेर जेरबंद

मागील अनेक महिन्यांपासून पुणे पोलिसांच्या गुन्हे शाखेचे पथके त्याच्या मागावर होती. अखेर आज त्याला जेरबंद करण्यात पोलिसांना यश आले.

रवींद्र ब-हाटे आणि त्याच्या साथीदारांविरोधात पुण्यातील कोथरूड, चतुःशृंगीसह वेगवेगळ्या पोलिस ठाण्यात दहाहून अधिक गुन्हे दाखल आहेत. पोलिसांनी त्याच्या विरोधात मुक्का कायद्यानुसार कारवाई देखील केली आहे. ब-हाटेच्या काही साथीदारांना पोलिसांनी यापूर्वीच अटक केली आहे. बराटे मात्र पोलिसांच्या तावडीत सापडत नव्हता.

दरम्यान, काही दिवसांपूर्वीच पुणे पोलिसांच्या गुन्हे शाखेने रवींद्र ब-हाटेची पत्नी संगीता ब-हाटे आणि मुलाला देखील अटक केली होती. त्याशिवाय त्याला मदत करणाऱ्या सुनील मोरे या वकिलाला देखील पोलिसांनी अटक केली आहे.

अखेर आज ब-हाटेला काही वेळापूर्वीच पुणे पोलिसांनी ताब्यात घेऊन त्याच्यावर अटकेची कारवाई केली आहे.