सांगली जिल्हा महापूराचा सामना करण्यासाठी प्रशासन सज्ज

नेहमीच येतो पावसाळा तसेच नेहमीच येतो महापूर अशीच काहीशी स्थिती गेल्या काही वर्षांत झालेली दिसते. या आपत्तीचा सामना करण्यासाठी प्रशासनाकडून जोरदार तयारी सुरू आहे. पलूस तालुक्यातील कृष्णाकाठ औदुंबर अंकलखोप येथे महापूर पुर्व आपत्ती व्यवस्थापन प्रशिक्षण कार्यक्रम आयोजित करण्यात आला आहे. यामध्ये आपत्ती व्यवस्थापन अंतर्गत बोट प्रशिक्षण शिबिराचे आयोजन करण्यात आले.

यावेळी बोट चालक नितीन गुरव, महेश कदम, रॉयल कृष्णा बोट क्लबच्या सदस्यांनी सर्वांना प्रशिक्षण दिले.

यावेळी प्रांताधिकारी गणेश मरकड, तहसीलदार निवास ढाणे, सहाय्यक पोलीस निरीक्षक संगिता माने, मंडल टि एस अधिकारी पवार, तलाठी बाबुराव जाधव, गौसमोहंमद लांडगे यांच्या सह सर्व प्रशासकीय अधिकारी कर्मचारी मोठ्या संख्येने उपस्थित होते.