बाळासाहेब ठाकरे यांच्या स्नुषा स्मिता ठाकरे यांनी मुख्यमंत्री एकनाथ शिंदे यांची भेट घेतली

ठाकरे आणि शिवसेना हे नाते तोडून दाखवा, हे माझे त्यांना आव्हान आहे. मात्र ते करताना माझे वडील बाळासाहेब ठाकरे यांचा फोटो लावून मते मागू नका. प्रत्येकाला आई-वडील असतात. मला माझ्या आई-वडिलांबद्दल आदर आहे. तसा प्रत्येकाला प्रत्येकाच्या आई-वडिलांबद्दल आदर असला पाहिजे. मी माझ्या वडिलांना आणि आजोबांना गुरू मानतो, असे त्यांनी शिंदे गटाला सुनावले होते. याच पार्श्वभूमीवर बाळासाहेबांच्या स्नुषा स्मिता ठाकरे यांनी एकनाथ शिंदे यांची भेट घेतली. गेल्या अडीच वर्षांपासून त्या प्रसार माध्यमांपासून दूरच होत्या.

एकनाथ शिंदे यांचे कार्य मी पाहिले आहे. ते आता मुख्यमंत्रीपदावर विराजमान झाले असल्याने त्यांना शुभेच्छा द्यायला मी आले असल्याचे स्मिता ठाकरे यांनी स्पष्ट केले.