नांदेडमधील सरकारी शाळेत अन्नातून विषबाधा; ३२ विद्यार्थी आजारी पडले

मिळालेल्या माहितीनुसार नांदेड जिल्ह्यातील देगलूर तालुक्यातील हानेगाव गावात रविवारी रात्री या विद्यार्थ्यांनी मांसाहार केला होता. त्यानंतर, या ३२ विद्यार्थ्यांना उलट्या आणि मळमळ यांसारखी लक्षणे दिसू लागली. त्यांना देगलूर येथील रुग्णालयात नेण्यात आले. तसेच  रुग्णालयात दाखल करण्यात आलेल्या एकूण ३२ विद्यार्थ्यांमध्ये २७ मुले आणि ५ मुलींचा समावेश आहे. त्यांच्या रक्ताच्या चाचण्या करण्यात आल्या आणि उपचारानंतर त्यांना घरी सोडण्यात आले.  

तसेच हा प्रकार मांसाहारी जेवणातून झाल्याचा संशय व्यक्त केला जात आहे. या घटनेमुळे पालकांमध्ये तीव्र संताप असून, आश्रमशाळेच्या भोजन व्यवस्थेवर आणि अन्नाच्या दर्जावर प्रश्नचिन्ह उपस्थित करत याची सखोल चौकशी करण्याची मागणी केली जात आहे. 

Edited By- Dhanashri Naik