बापरे ! भंडारा जिल्ह्यात चक्क वाघासोबत लोकांनी घेतला सेल्फी

Bhandara News: महाराष्ट्राच्या पूर्व भागातील भंडारा जिल्ह्यात एका उपप्रौढ वाघासोबत सेल्फी काढतानाचा व्हायरल झालेला व्हिडीओ पाहून वनविभागाने वाघाच्या हालचालींवर नजर ठेवण्यास सुरुवात केली असून त्याला दुसऱ्या वनक्षेत्रात हलवण्याचा प्रस्ताव दिला आहे. मिळालेल्या माहितीनुसार हा वाघ 18 ते 19 महिन्यांचा आहे.  

या प्रकरणी एका वन अधिकारींनी शुक्रवारी सांगितले की, या वाघाचे वागणे विचित्र आहे, कारण जेव्हा लोक त्याच्या जवळ असतात तेव्हा तो कोणत्याहीप्रकारची प्रतिक्रिया देत नाही. दोन दिवसांपूर्वी बोरगाव परिसरातील एका व्हिडिओमध्ये स्थानिक लोक वाघाच्या जवळ जाऊन 10 मीटर अंतरावरून सेल्फी आणि फोटो काढताना दिसत होते, तर वाघ एका गुरांची शिकार करून विश्रांती घेत होता.

भंडाराचे उप वनसंरक्षक राहुल गवई यांनी सांगितले की, या वाघाने गावांमध्ये घुसून 13 ते 14 गुरे मारली आहे. यासोबतच वनविभागाकडून खबरदारी घेतली जात असली तरी शेजारीच गावे असल्याने वाघ दिसल्यावर किंवा गुरांची शिकार झाल्यावर लोक तिथे पोहोचतात. यासाठी सुरक्षा व्यवस्था करण्यात येत आहे. वाघाला अन्य ठिकाणी हलवण्याचा प्रस्ताव अधिकाऱ्यांनी पाठवला आहे.

Edited By- Dhanashri Naik