suvichar
✕

छत्रपतींची दूरदृष्टी

- डॉ. सदानंद मोरे

Updated: सोमवार, 23 एप्रिल 2012 (11:38 IST)
छत्रपती शिवाजी महाराज यांच्यामुळेच आज महाराष्ट्र दिसत आहे. महाराष्ट्राला महाराष्ट्रपण देण्याचे काम त्यांनी केले. शिवाजी महाराज नसते तर आपल्या राज्याला महाराष्ट्रपण आलेच नसते. त्यांच्या कार्याचा आजच्या ‍परिस्थितीत फार विचार करण्याची आवश्यकता आहे. एक कठोर प्रशासक म्हणून शिवाजी महाराजांच्या कर्तृत्वाची दाखल इतिहासाने घेतलीच आहे. ते जसे उत्तम प्रशासक होते, तसेच त्यांच्याकडे कमालीची दूरदृष्टीही होती. त्यातूनच त्यांनी महाराष्ट्राला मोठ्या प्रमाणावर सागरी किनारा आहे हे लक्षात घेऊनच सैन्यासाठी सागरी व्यवस्था राबवली. आपल्याकडे मनुष्यबळ आणि शत्रूच्या तुलनेत शस्त्रास्त्रांची कमतरता आहे हे लक्षात घेऊनच त्यांनी सागरी व्यवस्थेचा उपयोग करून घेतला. यातून त्यांचा दूरदर्शीपणा लक्षात येतो. शिवाजी महारजांनी धर्माचे राजकारण कधीच केले आही. त्यांच्या सैन्यातही काही मुस्लिम धर्माचे सैनिक होते. त्यावेळी धर्माचा अर्थ वेगळा घेतला जात असे. जो आपले कर्तव्य करतो त्याला धर्म असे म्हटले जाते.

महाभारतातही धर्माचा असाच अर्थ लावला गेला आहे, पण आज जाती-धर्माच्या नावावर राजकारण करताना याचा विसर आपल्याला पडला आहे. शिवाजी महाराज हे लष्करी तज्ज्ञ होते. युद्ध कशा प्रकारे खेळले पाहिजे, याची त्यांना जाण होती. केवळ शत्रू मुस्लिम समाजाचा आहे म्हणून त्यांनी मोगलांवर हल्ला केला नाही. त्यांच्या सैन्यदलात मुस्लिम समाजाचे सैनिक होते त्याचप्रमाणे दलित समाजातील सैनिकही होते, पण आज जाती-धर्माच्या नावावर राजकारण करताना या गोष्टीचा आपल्याला विसर पडला आहे. त्यांनी आपल्या कारकिर्दीत नीतीमत्ता, चारित्र्य आणि चांगली वागणून याच मूल्यांचा नेहमी महत्त्व दिले. युद्धशास्त्राच्या नियमांनुसार ते युद्ध खेळले. त्यांनी आपल्या वाटचालीत शत्रूच्या स्त्रियांनाही मोठा सन्मान दिला. त्यांच्या अनेक कामांची नोंद आज घेणे आवश्यक आहे. आज भ्रष्टाचार करून मोठं होण्याचा प्रयत्न करणार्‍या राजकीय नेत्यांनी शिवाजी महाराजांचे विचार लक्षात घेणे गरजेचे आहे.

वेबदुनिया वर वाचा

About Author
वेबदुनिया
वेबदुनियाच्या न्यूज डेस्क येथे आमचे वार्ताहर, विश्वसनीय स्रोत आणि अनुभवी पत्रकार यांनी तयार केलेले प्रत्यक्ष घटनास्थळावरील अहवाल, विशेष वृत्तांत, मुलाखती आणि रिअल-टाइम अपडेट्स प्रकाशित करण्यापूर्वी वरिष्ठ संपादकांकडून अत्यंत काटेकोरपणे तपासून घेतली जातात..... Read More

सर्व पहा

विठ्ठल आरती; युगे अठ्ठावीस विटेवर उभा ।

Devuthani Ekadashi 2026: देवउठनी एकादशी नेमकी कधी, २० की २१ नोव्हेंबर? जाणून घ्या अचूक तिथी आणि शुभ मुहूर्त

Sant Namdev Aarti संत नामदेव महाराज आरती

आरती शुक्रवारची- जयदेव जयदेव जय विघ्नाधीशा

श्री गजानन महाराज बावन्नी

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

Show comments