अशा शब्दात ज्ञानेश्वरमाऊली त्याच्या सौंदर्याचे कौतुक करतात, तर, ' विटेवरी समचरण सुंदर। बाळ सुकुमार यशोदेचे।।
असे नामदेव सांगतात.
' तोचि भीमातीरी उभा दिगंबर। केवी कटीं कर भक्तांसाठी (1179) ' गोकुळीहुनी देव पंढरपुरा पातला (974) नवलक्ष गोधने पाचशे सवंगडक्ष (974) या सर्व ओळी त्याचे कृष्णरुपच सांगतात.
एकनाथांनी तर एका आख्यायिकेला धरूनच देवाच्या रूपाचे वर्णन केले आहे. धरूनिया राधा मीस। देव येती पंढरीस।। रुक्मिणी रुसली। ती दिंडीरवना आली।। त्यामागें मोक्षदानी। येता जाला दिंडीरवनीं।। गाई-गोपाळांचा मेळा। गोपाळपुरी तो ठेविला।। आपण गोपवेषधरी। एका जर्नादनी श्रीहरी।।
या ओळीतून त्यांनी विठ्ठलाचे कृष्णरूप मांडले आहे.
तो हा गोपवेषें आला पंढरपुरा भक्तसमाचारा विठ्ठल देवो।। (609)
हाच ठेवा पुढे चालवणारे तुकोबाही याच गोष्टीची पुष्टी देतात.
नागल गोडें बाळपण। ते स्वरूप काळीचें।। गाई गोपाळांच्या संगे। आले लागे पुंडरिका।। ते हे ध्यान दिगंबर। कटींकर मिरवती।। (1724)
ते पुन पुन्हा या गोष्टीचे समर्थन करतात
पुडरीकाच्या घरी प्रकटलेला विठ्ठल हा 'गाई गोधनाचे वाडे। गोपाळ सवंगडे समवेत ।। (264) असा आहे असे निळोबांनी म्हटले आहे, 'गाई गोपाळ संगती (306) घेऊन आलेला 'बाळमूर्ती पांडुरंग (325) यमुनेकाठचा विहार सोडुन पंढरपुरी दहीदुधाचा काला खातो (350) हे निळोबा सांगतात.
( संदर्भ -विठ्ठल एक महासमन्वय- लेखक रा. चिं. ढेरे)
वेबदुनियाच्या न्यूज डेस्क येथे आमचे वार्ताहर, विश्वसनीय स्रोत आणि अनुभवी पत्रकार यांनी तयार केलेले प्रत्यक्ष घटनास्थळावरील अहवाल, विशेष वृत्तांत, मुलाखती आणि रिअल-टाइम अपडेट्स प्रकाशित करण्यापूर्वी वरिष्ठ संपादकांकडून अत्यंत काटेकोरपणे तपासून घेतली जातात.....
Read More