संबंधित माहिती
- Asia Cup Controversy: आशिया चषकाचा पहिलाच सामना वादाच्या भोवऱ्यात
- Asia Cup 2022: आशिया कप सुरु, जाणून घ्या संपूर्ण वेळापत्रक, सामने कधी आणि कुठे पाहावे जाणून घ्या
- IND vs PAK Asia Cup Playing 11: भारत पाक चा सामना, पाकसंघाला गोलंदाजी ची चिंता, जाणून घ्या संभाव्य प्लेइंग-11
- SL vs AFG Live, Asia Cup 2022: अफगाणिस्तानने पहिला सामना जिंकला, श्रीलंकेचा 8 गडी राखून पराभव केला
- Asia cup 2022, SL vs AFG live:अफगाणिस्तानने नाणेफेक जिंकली, श्रीलंका प्रथम फलंदाजी करेल
IND vs PAK हार्दिक पांड्याने षटकार ठोकून विजय मिळवला, भारताने पाकिस्तानवर 5 विकेट्सने मात केली
India vs Pakistan Asia Cup 2022 Match: आशिया चषक 2022 मधील त्यांच्या पहिल्या सामन्यात, भारताने कट्टर प्रतिस्पर्धी पाकिस्तानचा 5 गडी राखून पराभव केला. प्रथम फलंदाजी करताना पाकिस्तान संघ 19.5 षटकांत केवळ 147 धावा करू शकला. 148 धावांच्या लक्ष्याचा पाठलाग करताना भारताने हे लक्ष्य 19.4 षटकांत 5 गडी गमावून पूर्ण केले. भारताकडून विराट कोहली आणि रवींद्र जडेजाने सर्वाधिक धावा केल्या.
केएल राहुलच्या रूपाने भारतीय संघाने पहिल्याच षटकात आपली विकेट गमावली. त्यानंतर विराट कोहली आणि कर्णधार रोहित शर्मा यांच्यात दुसऱ्या विकेटसाठी 46 चेंडूत 49 धावांची भागीदारी झाली. विराट 35आणि रोहित 12धावा करून बाद झाला. सूर्यकुमारने जडेजासोबत चौथ्या विकेटसाठी 31 चेंडूत 36 धावांची भागीदारी केली. सूर्यकुमार 18 धावा करून बाद झाला.
हार्दिकच्या तीन चौकारांनी सामन्याचे चित्र फिरवले
हार्दिक पांड्याने 19व्या षटकात हरिस रौफच्या चेंडूवर तीन चौकार मारले. इथून भारतीय संघावरील दडपण दूर झाले आणि बाकीच्या धावा सहज केल्या. भारताला विजयासाठी शेवटच्या 12 चेंडूत 21 धावांची गरज होती, पण 19व्या षटकात हार्दिकने 14 धावा घेत सामना भारताच्या बाजूने वळवला.
खराब तंदुरुस्तीमुळे पाकिस्तानला मोठा फटका बसला
खराब तंदुरुस्तीने पाकिस्तान संघावर छाया पडली. टी-20 सामन्यात पाकिस्तानचे दोन महत्त्वाचे वेगवान गोलंदाज क्रॅम्पशी झुंजताना दिसले. याच कारणामुळे रौफ आणि नसीम शाह यांना शेवटच्या षटकात प्रभावी गोलंदाजी करता आली नाही. दोघांनी खूप जास्त धावा दिल्या आणि भारतावरील दबाव कमी होत गेला. त्यामुळे अखेरच्या षटकांमध्ये पाकिस्तान संघाने सामना गमावला.
