UPAच्या काळात रिलायन्सला 1 लाख कोटींची कंत्राटं?
संयुक्त पुरोगामी आघाडी (UPA) सरकारच्या कार्यकाळात सरकारच्या 2004-2014 या काळात आम्हाला 1 लाख कोटी रुपयांची कंत्राटं मिळाली, असा दावा रिलायन्स समूहाने केला आहे.
रफाल विमानांच्या सौद्यामध्ये अनिल अंबानी यांना 30 हजार कोटी रुपये मिळवून देण्यासाठी पंतप्रधान नरेंद्र मोदी यांनी प्रयत्न केल्याचा राहुल गांधी यांनी वारंवार आरोप केला आहे.
अनिल अंबानी यांना 'क्रोनी कॅपिटलिस्ट' म्हणणाऱ्या राहुल गांधी यांचे सर्व आरोप रिलायन्सने फेटाळले आहेत. "गांधी यांची विधानं "खोटी, चुकीच्या माहितीवर आधारीत, विकृत, दुर्भावनायुक्त आहेत," असं रिलायन्स समूहाने म्हटल्याचं सविस्तर वृत्त स्क्रोल वेबसाइटने प्रसिद्ध केलं आहे.
