बजेट फ्रेंडली असे हिमाचलमधील तोष गाव
हिमाचल प्रदेश आपल्या सौंदर्यासाठी पर्यटकांमध्ये खूप प्रसिद्ध आहे. इथले नाव ऐकताच प्रत्येकाच्या मनात बर्फाच्छादित पर्वत, पाइन वृक्ष आणि विलक्षण नजारे येऊ लागतात. हिमाचलचे नाव ऐकताच बहुतेकांना मनाली-शिमलाचा विचार येतो, परंतु याशिवाय अनेक ठिकाणे आहेत जिथे आपण भटकंतीसाठी जाऊ शकता. हिमाचलमध्ये अजून बरीच प्रेक्षणीय स्थळे आहेत. असेच एक ठिकाण म्हणजे तोष. तोष हे हिमाचलमधील एक गाव आहे जिथे आपण आराम करण्यासाठी जाऊ शकता. जाणून घ्या तोषशी संबंधित काही गोष्टी
तोषचे सौंदर्य -निसर्गरम्य सौंदर्य पहायचे असेल तर तोष गावात जावे. पार्वती खोऱ्यात वसलेले हे गाव समुद्रसपाटीपासून सुमारे 7900 उंचीवर आहे. शहराच्या गजबजाटा पासून दूर हे गाव भेट देण्याचे उत्तम ठिकाण आहे. येथे आपल्याला बर्फाच्छादित पर्वत, तलाव, धबधबे पाहायला मिळतील.
ट्रेकिंगचा आनंद घ्या -जर आपण काही ऍक्टिव्हिटीचा आनंद घ्यायचा असेल तर आपण येथे ट्रेकिंगचा आनंद घेऊ शकता. ट्रेकिंग दरम्यान, आपल्याला सुंदर दृश्ये पाहायला मिळतील, ज्यामुळे आपली ट्रेकिंग आणखी मजेशीर होईल.
पार्टी करा -बर्फाच्छादित पर्वतांच्या मधोमध बसून पार्टी करायची असेल तर हे ठिकाण उत्तम आहे. इथे पार्टी करण्याची एक वेगळीच मजा आहे. इथे अनेक ठिकाणी स्थानिक पार्ट्याही होतात, इथे आपल्याला एक नवीन अनुभव मिळेल.
भेट देण्याची योग्य वेळ- तोष खूप उंचावर वसलेले आहे. त्यामुळे इथपर्यंत पोहोचणे थोडे कठीण होते. जर आपल्याला बर्फवृष्टीचा आनंद घ्यायचा असेल तर डिसेंबर किंवा जानेवारी महिन्यात आपण इथे भेट देऊ शकता.
