आलिया भट्ट सर्वात महागडी अभिनेत्री ठरली

डफ अँड फेल्प्स सेलिब्रिटी ब्रँड व्हॅल्यूएशनच्या अहवालानुसार, आलिया भट्ट 2021 मध्ये सर्वात महागडी महिला सेलिब्रिटी म्हणून उदयास आली. $68.1 दशलक्ष मुल्यांकनासह, आलिया भट्ट चौथ्या क्रमांकावर आहे आणि भारतीय अभिनेत्री श्रेणीत अव्वल आहे. मागील यादीच्या तुलनेत आलियाने दोन क्रमांकांची वाढ केली आहे. आलिया ही बॉलिवूडची सर्वात व्यस्त अभिनेत्री आहे आणि अनेक ब्रँड एंडोर्समेंटमुळे ती सर्वाधिक मानधन घेणारी अभिनेत्री बनली आहे.

2020 सेलेब ब्रँड व्हॅल्यूएशन रिपोर्टमध्ये आलिया भट सहाव्या स्थानावर असली तरी ती आता 68.1 दशलक्ष डॉलर्ससह चौथ्या स्थानावर पोहोचली आहे. आलियाच्या वर्कफ्रंटबद्दल बोलायचे झाले तर, ती शेवटची गंगूबाई काठियावाडीमध्ये मुख्य भूमिकेत दिसली होती. तिच्या कामगिरीचे खूप कौतुक झाले. नुकत्याच प्रदर्शित झालेल्या 'आरआरआर'मध्येही ती महत्त्वाच्या भूमिकेत आहे.