शुक्रवार, 29 मार्च 2024
  1. मनोरंजन
  2. बॉलीवूड
  3. सिनेगप्पा
Written By
Last Updated : मंगळवार, 18 ऑक्टोबर 2022 (23:27 IST)

Aryan Khan drug case योग्यप्रकारे नाही झाली आली आर्यन खान ड्रग्स केस तपासणी, एनसीबीच्या अहवालात समोर आल्या गोष्टी

चित्रपट अभिनेता शाहरुख खानचा मुलगा आर्यन खानशी संबंधित ड्रग्ज प्रकरणात एनसीबीच्या अहवालात मोठ्या गोष्टी समोर आल्या आहेत.नार्कोटिक्स कंट्रोल ब्युरो (NCB)च्या अहवालात तपासात अनेक त्रुटी आढळून आल्याचे म्हटले आहे.याशिवाय तपासात सहभागी अधिकाऱ्यांचीही संशयास्पद भूमिका असल्याची भीती व्यक्त होत आहे.याप्रकरणी विभागीय चौकशी सुरू करण्यात आली आहे. 
 
 2021 मध्ये आर्यन खानला NCB ने क्रूझवरील रेव्ह पार्टीतून अटक केली होती.यानंतर मोठा वाद निर्माण झाला होता.मोठ्या कष्टाने त्याला जामीन मिळाला.त्यानंतर एनसीबीने आर्यन खानला क्लीन चिट दिली.समीर वानखेडे एनसीबीचे मुंबई झोन संचालक असताना आर्यन खानला क्लीन चिट देण्यात आल्याचे अहवालात म्हटले आहे. 
 
हा तपास अहवाल एनसीबीच्या विशेष पथकाचा आहे.हा अहवाल दिल्लीतील कार्यालयाला पाठवण्यात आला आहे.सात ते आठ अधिकाऱ्यांवर कारवाईची मागणी करण्यात आली आहे. आर्यन खान यांच्यासोबत इतर पाच जणांनाही क्लीन चिट देण्यात आली होती.त्याच्यांविरुद्ध पुरेसे पुरावे नसल्याचे सांगण्यात आले.आर्यन खानला संपूर्ण 22 दिवस तुरुंगात काढावे लागले. 
 
कोणत्या आधारावर क्लीन चिट मिळाली
एनसीबीचे डीजी संजय सिंह म्हणाले होते की, अर्बाद मर्जेंटने आपल्याकडून मिळालेली ड्रग्ज आर्यन खानसाठी नसल्याचा जबाब नोंदवला होता.याशिवाय अटकेनंतर आर्यन खानचे मेडिकल होऊ शकले नाही.त्यामुळे त्याने ड्रग्ज घेतले की नाही याची पुष्टी झाली नसल्याचे सांगण्यात आले.याशिवाय एनसीबीने म्हटले आहे की, आर्यनला ड्रग्ज दिल्याची कबुलीही कोणत्याही ड्रग पेडलरने दिली नाही. 

Edited by : Smita Joshi