संबंधित माहिती
Bigg Boss 17: अंकिता लोखंडे दुखावली,मुलाखत देण्यास स्पष्टपणे नकार दिला!
मुनावर फारुकीने 'बिग बॉस 17' च्या विजेत्याची ट्रॉफी जिंकली. सीझनचा विजेता घोषित होण्याच्या काही मिनिटांपूर्वी शोमधून बाहेर पडलेल्या अंकिता लोखंडेला सेटमधून बाहेर पडताना चाहत्यांनी वेढले होते. अंकिता लोखंडेचा एक व्हिडिओ सोशल मीडियावर व्हायरल होत आहे. क्लिपमध्ये अंकिता खूपच निराश दिसत आहे. तिने पापाराझींशी बोलण्यासही नकार दिला. व्हायरल झालेल्या व्हिडिओवर यूजर्स तीव्र प्रतिक्रिया देत आहेत.
एका व्हिडिओमध्ये अंकिता लोखंडे खूपच नाराज दिसत आहे. ती तिच्या व्हॅनिटी व्हॅनमधून जात असताना मीडिया आणि चाहत्यांनी तिला घेरले. अभिनेत्रीची टीम गर्दीवर नियंत्रण ठेवण्याचा प्रयत्न करत असताना तिची आई त्यांच्या मागे चालताना दिसली. अंकिता सर्वांना 'रिलॅक्स' म्हणताना ऐकू येते. पांढऱ्या रंगाच्या साडीमध्ये अंकिता लोखंडे खूपच सुंदर दिसत होती.17 व्या हंगामात अभिनेत्री चौथ्या स्थानावर राहिली.
अंकिता लोखंडेचा हा व्हिडिओ समोर येताच सोशल मीडियावर लोकप्रिय झाला आहे. यावर युजर्स या वर तीव्र प्रतिक्रिया देत आहेत. एका यूजरने प्रतिक्रिया दिली की, 'ती आता खरोखरच दुखावलेली वाटत आहे.' दुसऱ्याने लिहिले, तिने कुटुंबाला प्राधान्य दिले आणि मुलाखत देण्यास नकार दिला. असे करून तिने मने जिंकली.
Edited by - Priya Dixit
