बसपा प्रमुख मायावती यांच्यावर आक्षेपार्ह वक्तव्य करणे केआरके यांना महागात पडले
केआरके म्हणजेच कमाल आर खान अनेकदा चित्रपट आणि चित्रपट कलाकारांवर वादग्रस्त टिप्पणी करताना दिसतात. पण, यावेळी त्यांनी बसपा प्रमुख मायावतींवर 'आक्षेपार्ह' वक्तव्य करणे केआरकेला महागात पडले आहे. पीटीआय या वृत्तसंस्थेने दिलेल्या माहितीनुसार, अभिनेत्यावर गुन्हा दाखल करण्यात आला आहे. बसपा प्रमुख मायावती यांच्या विरोधात आक्षेपार्ह वक्तव्य केल्याप्रकरणी पोलिसांनी अभिनेता कमाल रशीद खान यांच्याविरुद्ध गुन्हा दाखल केला आहे, असे एका वरिष्ठ अधिकाऱ्याने गुरुवारी सांगितले.
बहुजन समाज पक्ष (BSP) जिल्हा युनिटचे अध्यक्ष सुशील कुमार यांनी कमाल आर खान उर्फ केआरके विरुद्ध देवबंद पोलीस ठाण्यात एफआयआर दाखल केला आहे.
पोलिसांनी दिलेल्या माहितीनुसार, केआरकेने X वर पोस्ट शेअर करून बसपा प्रमुख मायावती यांच्यावर आक्षेपार्ह वक्तव्य केले होते.
Edited by - Priya Dixit
