बाबा बर्फानीच्या दर्शनासाठी अमरनाथला पोहोचली सारा अली खान, व्हिडिओ व्हायरल

Publish: Thu, 20 Jul 2023 (18:01 IST) Updated: Thu, 20 Jul 2023 (18:10 IST)

sara ali khan amarnath yatra: बॉलिवूड अभिनेत्री सारा अली खान अनेकदा मंदिरात पूजा करताना दिसते. यामुळे  तिला अनेकवेळा ट्रोल देखील केले जाते. सारा ही महादेवाची भक्त आहे. नुकतीच ती उज्जैन येथील महाकालेश्वर मंदिरात दर्शनासाठी आली होती. आता श्रावण महिन्यात सारा अमरनाथ मंदिरात दर्शनासाठी पोहोचली.

सारा अली खानचा हा व्हिडिओ सोशल मीडियावर व्हायरल होत आहे. या व्हिडीओमध्ये ती बाबा अमरनाथच्या गुहेकडे वॉकिंग स्टिकच्या साहाय्याने चढताना दिसत आहे. तिला  सुरक्षा कर्मचाऱ्यांनी घेरले आहे. सारा अली खान निळ्या रंगाचे जाकीट आणि मॅचिंग पँट घातलेली दिसत आहे, ज्यामध्ये तिने तिच्या गळ्यात लाल रंगाची चुन्नी बांधली आहे.

#WATCH | Actress Sara Ali Khan undertakes Amarnath Yatra in J&k. pic.twitter.com/UIiiWvOe2j

— ANI (@ANI) July 20, 2023

व्हिडिओमध्ये साराच्या कपाळावर टिळकही दिसत आहेत. सारा अली खानच्या या व्हिडिओवर लोक खूप कमेंट करत आहेत आणि प्रतिक्रिया देत आहेत.

सारा अली खानच्या वर्कफ्रंटबद्दल बोलायचे झाले तर ती शेवटची 'जरा हटके जरा बचके' चित्रपटात दिसली होती. आता ती अनुराग बासूच्या मेट्रोलॉजी इन डिनो या चित्रपटात दिसणार आहे.