बुधवार, 5 ऑक्टोबर 2022
  1. मराठी बातम्या
  2. महाराष्ट्र न्यूज
  3. कोरोना विषाणू
Written By
Last Modified बुधवार, 12 जानेवारी 2022 (19:28 IST)

कोवॅक्सिनचा बूस्टर डोस ओमिक्रॉन आणि डेल्टा या दोन्ही व्हेरियंट विरुद्ध प्रभावी: भारत बायोटेक

सध्या देशभरात कोरोनाचा वेग अनियंत्रित झाले आहे. देशात वेगाने लसीकरण सुरु आहे. केंद्र देखील राज्यांना दररोज नवनवीन मार्गदर्शक सूचना देत आहेत. कोरोना लस कोवॅक्सिनचा बूस्टर डोस ओमिक्रॉन आणि डेल्टा या दोन्ही व्हेरिएंटना निष्प्रभ करण्यासाठी प्रभावी आहे. स्वदेशी लसीचा बूस्टर डोस COVAXIN (BBV152) म्हणून ओळखला जातो, जो ओमिक्रॉन (B.1.529) आणि डेल्टा (B.1.617.2) या दोन्ही विरुद्ध अँटीबॉडीज तयार करतो. 
 
चाचणी दरम्यान 100% नमुन्यांमध्ये डेल्टा व्हेरिएंट निष्प्रभ  केल्याचे आढळून आले. तर, ते 90% पेक्षा जास्त ओमिक्रॉन नमुन्यांविरूद्ध प्रभावी ठरले. भारत बायोटेकने जाहीर केलेली आकडेवारी याचा पुरावा देते.
 
हैदराबाद स्थित भारत बायोटेकने आज  केलेल्या अभ्यासाचे निकाल जाहीर केले. त्यात असे दिसून आले आहे की ज्यांना कोवॅक्सीन  (BBV152) चा बूस्टर डोस मिळाला आहे त्यांनी ओमिक्रॉन आणि डेल्टा या दोन्ही व्हेरियंटला निष्प्रभ करण्यासाठी अँटीबॉडीज विकसित केले आहेत. 
 
 “जगभरातील प्रबळ कोविड-19 व्हेरियंट म्हणून ओमिक्रॉन ही सार्वजनिक आरोग्याची गंभीर चिंताचा विषय आहे. डेटाचे प्राथमिक विश्लेषण असे सूचित करते की कोवॅक्सीन ला लक्षणीय रोगप्रतिकारक प्रतिसाद आहे.कोवॅक्सीन चा बूस्टर डोस प्राप्त करणार्‍या व्यक्तींमध्ये ओमिक्रॉन आणि डेल्टा दोन्ही प्रकार. हे निष्कर्ष सूचित करतात की बूस्टर डोसमध्ये रोगाची तीव्रता आणि हॉस्पिटलायझेशनची शक्यता कमी करण्याची क्षमता आहे."
भारत बायोटेक म्हणाले, “आम्ही कोवॅक्सीन साठी सतत नवनवीन शोध घेत आहोत. ओमिक्रॉन आणि डेल्टा व्हेरियंट विरूद्ध सकारात्मक न्यूट्रलाइजेशन प्रतिक्रिया आल्या आहेत. ते ह्यूमरल आणि सेल मध्यस्थी दोन्ही रोगप्रतिकारक प्रतिक्रिया निर्माण करतात."
 
भारत बायोटेक ने एका निवेदनात म्हटले आहे की चाचणी दरम्यान बुस्टर डोस घेतल्यावर लोकांमध्ये अँटीबॉडीज दोन डोस घेण्याच्या तुलनेत 5 पटीने वाढले. 
कंपनीच्या म्हणण्यानुसार, बुस्टर डोस घेतल्यावर लोकांमध्ये CD4 आणि CD8 पेशींमध्ये वाढ झाल्याचे दिसून आले. या मुळे कोवॅक्सीन कोरोनाव्हायरस पासून दीर्घकालीन संरक्षण प्रदान करते. चाचणी दरम्यान साइड इफेक्ट्सचे प्रमाण खूपच कमी आढळून आले.