PAK vs SL : नाणेफेक जिंकून श्रीलंकेने पॉवरप्लेमध्ये 58 धावा केल्या

Sri Lanka vs Pakistan 2023: विश्वचषकातील आठव्या सामन्यात पाकिस्तानसमोर श्रीलंकेचे आव्हान आहे. हैदराबादच्या राजीव गांधी आंतरराष्ट्रीय स्टेडियमवर दोन्ही संघ आमनेसामने आहेत. पाकिस्तानची नजर सलग दुसऱ्या विजयाकडे आहे. गेल्या सामन्यात त्याने नेदरलँड्सचा पराभव केला होता.

श्रीलंकेचा कर्णधार दासुन शनाकाने नाणेफेक जिंकून प्रथम फलंदाजी करण्याचा निर्णय घेतला आहे. या सामन्यात त्यांचा स्टार फिरकीपटू महिष तिक्षिना परतला आहे. यामुळे श्रीलंकेचा संघ मजबूत झाला आहे. पाकिस्तान संघातही एक बदल करण्यात आला आहे. फखर जमानच्या जागी अब्दुल्ला शफीकचा संघात समावेश करण्यात आला आहे.

श्रीलंकेच्या संघाची फलंदाजी सुरू झाली आहे.पॉवरप्लेमध्ये श्रीलंकेने एक गडी गमावून 58 धावा केल्या आहेत. पथुम निसांका आणि कुसल मेंडिस यांच्यात अर्धशतकी भागीदारी झाली आहे.

दोन्ही संघा -11

श्रीलंका : पाथुम निसांका, कुसल परेरा, कुसल मेंडिस (यष्टीरक्षक), सदीरा समरविक्रमा, चारिथ असालंका, धनंजय डी सिल्वा, दासुन शनाका (कर्णधार), दुनिथ वेलाल्गे, महेश टेकश्ना, मथिशा पाथिराना, दिलशान मधुशांका.

पाकिस्तानः अब्दुल्ला शफीक, इमाम-उल-हक, बाबर आझम (कर्णधार), मोहम्मद रिझवान (यष्टीरक्षक), सौद शकील, इफ्तिखार अहमद, मोहम्मद नवाज, शादाब खान, हसन अली, शाहीन आफ्रिदी, हरिस रौफ.