संबंधित माहिती
- ग्रामपंचायत निवडणूक: काटेवाडीचा विजय ही भाजपच्या 'मिशन बारामती'ची सुरुवात आहे का?
- मळगाव स्थानकावर एक्स्प्रेसना थांबा द्या !
- सावंतवाडीत खवले मांजराच्या खवल्यांच्या तस्करी प्रकरणी दोघांना अटक
- महाराष्ट्र विधानपरिषदेच्या शतक महोत्सवानिमित्त आजी-माजी सदस्यांचा स्नेह मेळावाा
- नांदगाव तालुक्यात दोन सख्ख्या बहिणींचा कपडे धुवताना बुडून मृत्यू
कोल्हापुरात भीषण अपघात, नदीच्या पुलावरून बस कोसळली
कोल्हापूर- गोव्याहून मुंबईकडे कऱ्हाडमार्गे जात असलेल्या एका खाजगी बसचा पुलावरून कोसळून अपघात झाल्याची बातमी आहे. गुरुवार सकाळी आठ वाजेच्या सुमारास ही घटना घडली आहे.
कोल्हापुरातील शाहूवाडी तालुक्यात असलेल्या वारणा नदीवरील कोकरूड कोणावर घडलेल्या या घटनेत सुदैवाने कोणतीही जीवित हानी झालेली नाही. मात्र बसचे किरकोळ नुकसान झाले आहे.
काल येथे पावसामुळे रस्ता निसरडा झाल्याने तसेच आज परिसरात मोठ्या प्रमाणात धुके असल्याने समोरचे काही स्पष्ट दिसत नसल्यामुळे सकाळी 8 वाजता ही बस प्रवाशांना घेऊन या पुलावरून जात असताना अचानक चालकाचा बस वरील ताबा सुटला. बस थेट वारणा नदीच्या पात्रात कोसळल्याची प्राथमिक माहिती समोर आली आहे.
सुदैवाने नदीला पाणी कमी होते आणि बस नदीपत्रात कोरड्या भागात जाऊन थांबली. तेव्हा बसमधील प्रवासी त्वरित बाहेर पडले. सुदैवाने या अपघातात कोणतीही जीवितहानी झाली नसून किरकोळ जखमींना उपचारासाठी आरोग्य केंद्रात हलवण्यात आले आहे.
