खांडवीच्या वड्या
- स्मिता
साहित्य : तांदळाचा रवा, गूळ किंवा साखर, नारळ, तूप, वेलदोडे. कृती : तांदळाचा रवा तुपावर चांगला तांबूस होईपर्यंत भाजावा. रवाच्या दुप्पट पाणी घेऊन, त्यात रव्यापेक्षा थोडा जास्त गूळ किंवा साखर घालावी. चवीला थोडेसे मीठ घालावे व उकळी आल्यावर भाजलेला रवा त्यात घालून चांगला शिजवावा. वेलदोड्यांची पूड घालावी. चांगला शिजून घट्ट झाल्यावर परातीला किंवा ताटाला तुपाचा हात लावून शिजलेला रवा ओतावा व वर ओले खोबरे घालून थापावा व वड्या कापाव्यात.
