कॅनडात चोरी आणि मंदिरांवर हल्ला केल्याप्रकरणी ३ जणांना अटक, हिंदू समाजात संतापाची लाट

मंदिरांवर झालेल्या चोरी आणि हल्ल्याप्रकरणी कॅनडात तिघांना अटक करण्यात आली आहे, तर एकाचा शोध सुरू आहे. या दिवसांमध्ये कॅनडात धार्मिक स्थळांमध्ये लुटमार आणि हिंसाचाराच्या घटना वाढल्या होत्या. हल्ले प्रामुख्याने मंदिरांवर होत होते. अशा स्थितीत हिंदू समाज संतप्त झाला होता. कॅनडाच्या पोलिसांनी तिघांना अटक केली आहे. 

नोव्हेंबर 2021 ते मार्च 2022 दरम्यान अनेक मंदिरे लुटली गेली आहेत. मंदिरांमधील दानपेट्यांमधून पैसे चोरीच्या घटना अनेकदा घडल्या आहेत. अनेक ठिकाणी चोरट्यांनी संपूर्ण दानपेटी घेऊन पलायन केले. याप्रकरणी एका इंडो-कॅनडियन व्यक्तीला अटक करण्यात आली आहे.

अशा 13 घटना घडल्याचे पील पोलिसांनी सांगितले. त्यापैकी 9घटना हिंदू मंदिरांमध्ये घडल्या. याशिवाय जैन मंदिर आणि गुरुद्वारांमध्येही काही घटना घडल्या आहेत. "चौथ्या आरोपीचीही ओळख पटली आहे, परंतु अटक करणे बाकी आहे," असे पोलीस अधिकाऱ्याने सांगितले. त्यालाही लवकरच अटक करण्यात येईल. हे गुन्हे द्वेषातून झाले आहेत. सर्व बाजू लक्षात घेऊन तपास सुरू असल्याचे पोलिसांनी सांगितले. 

पोलिस अधिकाऱ्यांनी 16 फेब्रुवारी रोजी धार्मिक नेत्यांचीही भेट घेतली होती. याशिवाय ब्रॅम्प्टनचे महापौरही या बैठकीला उपस्थित होते. अशा सुमारे १८ घटना घडल्याचे तेथे उपस्थित लोकांनी सांगितले. त्याचबरोबर मंदिरांची सुरक्षा वाढवण्यावर भर दिला जाणार असल्याचे पोलिस प्रवक्त्याने सांगितले.