एअर एशिया कंपनीच्या विमानाचा अपहरण करण्याचा प्रयत्न

संबंधित विमान चीनच्या दक्षिणेकडील हुनान प्रांताची राजधानी चांग्शा येथून बिजींगला निघाले होते. मात्र सकाळी 9 वाजून 58 मिनिटांनी वाटेत मध्य हेनान प्रांताची राजधानी असलेल्या झेन्गझाऊ आंतराष्ट्रीय विमानतळावर अचानक हे विमान उतरले. दुपारी 1 वाजून 17 मिनिटांनी सर्व प्रवाशांना आणि कर्मचाऱ्यांना विमानाच्या मागच्या दरवाज्याने सुखरूप सोडवण्यात आले, असे अधिकाऱ्यांनी सांगितले. 41 वर्षीय अपहरण कर्ता हा मनोरुग्ण असल्याचे निष्पन्न झाले आहे. त्याला पोलिसांनी ताब्यात घेतले असून अधिक तपास सुरू आहे. या प्रकारानंतर विमान वाहतुक सुरळीतपणे सुरू असल्याचे अधिकाऱ्यांनी स्पष्ट केले.