संबंधित माहिती
- पाकिस्तानात राहण्यास इच्छुक आलिया भट्टची आई, म्हणे तिथे जास्त आनंदी राहीन
- पाकिस्तानमध्ये बायकोच्या मनाविरुद्ध दुसरं लग्न केल्यामुळे भोगावी लागली शिक्षा
- उर्मिला मातोंडकर यांचे पती मोहसीन अख्तर मीर पाकिस्तानी आहेत का? - फॅक्ट चेक
- इम्रान खान यांना वाटतं भारत आणखी एक सर्जिकल स्ट्राइक करू शकतो
- पाकिस्तानातून निवडणूक जिंकतील कॉंग्रेसचे नेते – राम माधव
पाकिस्तानमध्ये महागाई, दुधाचा दर 180 रुपये
पाकिस्तानमध्ये महागाईचा भडका उडाला आहे. भाज्या, पेट्रोल, डिझेलचे दर आकाशाला भिडले आहेत. यात आता दुधाची भर पडली आहे. कराची डेयरी फार्मर्स असोसिएशननं दुधाच्या दरात अचानक प्रति लीटर 23 रुपयांनी वाढ केली. त्यामुळे पाकिस्तानमध्ये दुधाचा दर 180 रुपयांवर पोहोचला आहे.
'सरकारकडे वारंवार दूधाच्यादरात वाढ करण्याची परवानगी मागितली होती. मात्र त्यांनी कोणताही प्रतिसाद न दिल्यानं आम्ही स्वत:च दूधाच्या दरात वाढ करण्याचा निर्णय घेतला,' अशी माहिती कराची डेयरी फार्मर्स असोसिएशननं दिली.
चारा, इंधनासह अनेक वस्तूंच्या किमती वाढल्याचा प्रतिकूल परिणाम होत असल्याचं कराची डेयरी फार्मर्स असोसिएशनच्या एका पदाधिकाऱ्यानं 'डॉन न्यूज'ला सांगितलं. हा प्रश्न मार्गी लावण्यासाठी आम्ही सरकारच्या काही पदाधिकाऱ्यांना भेटलो. मात्र त्यांनी काहीच केलं नाही, अशा शब्दांमध्ये त्यांनी आपली नाराजी व्यक्त केली.
