शुक्रवार, 29 मार्च 2024
  1. मराठी बातम्या
  2. महाराष्ट्र न्यूज
  3. आंतरराष्ट्रीय
Written By
Last Modified: सोमवार, 20 सप्टेंबर 2021 (14:49 IST)

चमत्कार! मृत्यूनंतर ती स्त्री पुन्हा जिवंत झाली

वॉशिंग्टन: मृत्यूनंतर पुन्हा जिवंत होण्याची घटना एका चमत्कारापेक्षा कमी म्हणता येणार नाही.असेच एक प्रकरण अमेरिकेतील मेरीलँडमधून समोर आले आहे. येथे एक स्त्री तिच्या मृत्यूनंतर 45 मिनिटांनी पुन्हा जिवंत झाली. ही घटना सध्या सोशल मीडियावर चर्चेचा विषय आहे.

द मिररमध्ये प्रसिद्ध झालेल्या वृत्तानुसार, मृत्यूनंतर पुन्हा जिवंत झालेल्या महिलेचे नाव कॅथी पॅटन आहे. ती गोल्फ खेळत होती, जेव्हा तिच्या मुलीला तिच्या मोबाईलवर फोन आला की तिला प्रसूती वेदना होत आहेत.
यानंतर, कॅथी ताबडतोब घरी गेली आणि तिथून ती तिच्या मुलीला हॉस्पिटलमध्ये घेऊन गेली. रुग्णालयात पोहोचल्यावर कॅथीला हृदयविकाराचा झटका आला आणि तिचा मृत्यू झाला. त्यानंतर 45 मिनिटांनी ती पुन्हा जिवंत झाली. यानंतर तिच्या मुलीने एका गोंडस मुलीला जन्म दिला.

हृदयविकाराचा झटका आल्यानंतर डॉक्टरांनी कॅथीची तपासणी केली.तिची नाडी चालू नव्हती,किंवा त्याच्या मेंदूला ऑक्सिजन मिळत नव्हता. डॉक्टरांनी सुमारे एक तास कॅथीला सीपीआर दिला.
 
कॅथी म्हणाली की देवाने मला जीवन दान दिले आहे.जीवन जगण्याची दुसरी संधी दिली आहे.मी त्यांची आभारी आहे. मला नवीन जीवन दिल्याबद्दल धन्यवाद. त्याचवेळी कॅथीची मुलगी म्हणाली की माझ्या आईला माझ्या मुलीचा चेहरा पाहायचा होता,कदाचित त्यामुळेच तिला नवीन आयुष्य मिळाले आहे. मी खूप आनंदी आहे.