Nepal Rain: नेपाळमध्ये मुसळधार पावसाचा कहर, गेल्या 24 तासात 17 जणांचा मृत्यू

जगभरातील अनेक देश मुसळधार पाऊस आणि पुराचा सामना करत आहेत. पश्चिम नेपाळमध्येही मुसळधार पावसाने कहर केला आहे. वृत्तानुसार, पश्चिम नेपाळमध्ये गेल्या 24 तासांत मुसळधार पावसामुळे झालेल्या भूस्खलनात सुमारे 17 लोकांचा मृत्यू झाला आहे. 

माहिती देताना एका अधिकाऱ्याने सांगितले की, सुदूरपशीम प्रांतातील अछाम जिल्ह्यातील विविध भागात भूस्खलन झाले असून, गेल्या काही दिवसांपासून सुरू असलेल्या संततधार पावसामुळे आलेल्या पुरामुळे हा परिसर खराब झाला आहे. 

काठमांडू शहराच्या पश्चिमेला सुमारे 450 किमी (281 मैल) अंतरावर असलेल्या अछाम जिल्ह्यात भूस्खलनात किमान 17 लोकांचा मृत्यू झाल्याची पुष्टी झाली आहे, असे अछाम जिल्ह्याचे मुख्य जिल्हा अधिकारी दीपेश रिझाल यांनी सांगितले. या घटनेत जखमी झालेल्या अकरा जणांना सुर्खेत जिल्ह्यात उपचारासाठी नेण्यात आले. अधिकाऱ्याने दिलेल्या माहितीनुसार, भूस्खलनात तीन जण बेपत्ता झाले आहेत.

ते म्हणाले की, नेपाळ पोलीस कर्मचारी तैनात करण्यात आले असून बेपत्ता लोकांचा शोध घेण्यासाठी बचावकार्य सुरू आहे. मृतांची संख्या वाढू शकते, अधिकारी म्हणाले की, प्रांतातील सात जिल्ह्यांना जोडणारा भीमदत्त महामार्गही आपत्तीमुळे बंद करण्यात आला होता. या घटनेमुळे अछाम जिल्ह्यातील दळणवळण सेवाही प्रभावित झाली आहे