बुधवार, 6 डिसेंबर 2023
  1. मराठी बातम्या
  2. महाराष्ट्र न्यूज
  3. आंतरराष्ट्रीय
Written By
Last Modified: शुक्रवार, 15 सप्टेंबर 2023 (16:18 IST)

Pakistan: गोपनीय कागदपत्रे लीक केल्याप्रकरणी इम्रान खानचा जामीन अर्ज फेटाळला

imran khan
पाकिस्तानचे माजी पंतप्रधान इम्रान खान यांच्या अडचणी कमी होण्याची चिन्हे दिसत नाहीत. खरं तर, पाकिस्तानच्या विशेष न्यायालयाने गोपनीय कागदपत्र लीक प्रकरणात (सिफर केस) तुरुंगात टाकलेले माजी पंतप्रधान इम्रान खान यांचा जामीन अर्ज फेटाळला आहे. विशेष न्यायालयाचे न्यायाधीश अबुल हसनत जुलकरनैन यांनी इम्रान खान आणि माजी परराष्ट्र मंत्री शाह मेहमूद कुरेशी यांना दिलासा देण्यास नकार दिला आणि त्यांची सुनावणी घेतल्यानंतर त्यांचा जामीन अर्ज फेटाळला. 
 
आपल्या राजकीय फायद्यासाठी त्याने चुकीच्या पद्धतीने गोपनीय कागदपत्रे ताब्यात घेतली आणि त्याचा गैरवापर केला. यासाठी इम्रान खान आणि शाह मेहमूद कुरेशी यांना ऑफिशियल सिक्रेट्स अॅक्ट अंतर्गत अटक करण्यात आली होती. बुधवारी झालेल्या सुनावणीनंतर न्यायालयाने दोन्ही नेत्यांच्या न्यायालयीन कोठडीत 26 सप्टेंबरपर्यंत वाढ करण्याचे आदेश दिले. या प्रकरणी इस्लामाबाद उच्च न्यायालयाने यापूर्वीच इम्रान खानच्या शिक्षेला स्थगिती दिली आहे, मात्र असे असतानाही इम्रान खान तुरुंगात आहेत. गेल्या महिन्यात या प्रकरणात इम्रान खानच्या कोठडीत 14 दिवसांची वाढ 13 सप्टेंबरपर्यंत करण्यात आली होती.
 
गेल्यावर्षी मार्च मध्ये इम्रान खानच्या सरकारच्या विरोधात ठरावावर मतदान करण्यापूर्वी जाहीर सभेत इम्रान खान यांनी खिशातून एक कागद काढून तो ओवाळला होता आणि दावा केला होता की त्यांचे सरकार पाडण्यासाठी आंतरराष्ट्रीय षडयंत्र रचले जात आहे. गेल्या वर्षी मार्चमध्ये वॉशिंग्टनमधून पाकिस्तानच्या दूतावासात एक केबल पाठवण्यात आली होती, जी लीक झाली होती आणि इम्रान खान यांनी एका जाहीर सभेत ती ओवाळल्याचा आरोप आहे. मात्र, नंतर चौकशीदरम्यान इम्रान खानने रॅलीमध्ये गोपनीय कागदपत्रे फिरवल्याचा इन्कार केला होता. तो गोपनीय दस्तऐवज हरवला आहे आणि तो कुठे ठेवला हे मला आठवत नाही, असेही इम्रान म्हणाले. 
 



Edited by - Priya Dixit