इराणमध्ये महागाई विरोधातील निदर्शनांना हिंसक वळण, गोळीबारात अनेकांचा मृत्यू
इराणचे सर्वोच्च नेते अयातुल्ला अली खामेनी यांच्या विरोधात गेल्या जवळपास एका आठवड्यापासून निदर्शने वाढत आहेत. दरम्यान, नवीन वर्षाच्या पहिल्या दिवशी सुरू असलेल्या निदर्शनांना हिंसक वळण लागले.
ज्यामध्ये अनेक निदर्शक आणि सुरक्षा दलातील किमान एक सदस्य ठार झाला. असे रॉयटर्सने इराणी माध्यमे आणि मानवाधिकार गटांचा हवाला देत वृत्त दिले आहे.
नवीन वर्ष सुरू होताच ग्रामीण इराणमध्ये निदर्शने पसरली आहेत आणि निदर्शने सुरू झाल्यापासूनच्या पहिल्याच अहवालात किमान तीन जणांचा मृत्यू झाला आहे, असे आंतरराष्ट्रीय वृत्तसंस्था असोसिएटेड प्रेसने वृत्त दिले आहे. निदर्शने सुरू झाल्यापासून सुरक्षा दल आणि निदर्शकांमध्ये रस्त्यांवर संघर्ष सुरू झाला आहे.
