स्मार्टफोन्सच्या विक्रीत भारताने अमेरिकेला मागे टाकले

जुलै ते सप्टेंबर २०१८ या तिमाहीमध्ये गेल्या वर्षीच्या याच कालावधीच्या तुलनेत स्मार्टफोन्सची विक्री ७.२ टक्क्यांनी घटून ३४.८९ कोटी इतकी झाली आहे. गेले चार महिने स्मार्टफोन्सच्या विक्रीत सातत्यानं घट होत आहे, असे कॅनालिसनं आपल्या अहवालात नमूद केले आहे.

ज्या तीन देशांमध्ये स्मार्टफोनच्या विक्रीत वाढ झाली आहे त्यामध्ये इंडोनेशिया (१३.२ टक्के वाढीसह ८९ लाख), रशिया (११.५ टक्के वाढीसह ८८ लाख) व जर्मनी (२.४ टक्के वाढीसह ५५ लाख) यांचा समावेश आहे. पहिल्या स्थानी असलेल्या चिनी बाजारपेठेतील मागणीही गेल्या वर्षीच्या तुलनेत या तिमाहीत १५.२ टक्क्यांनी घटली तर भारतातली मागणी १.१ टक्क्यानं घटली आहे.

स्मार्टफोन उत्पादकांमध्ये सॅमसंग २०.४ टक्के बाजारातील हिश्शासह आघाडीवर आहे. त्यामागोमाग हुआवेई (१४.९ टक्के), अपल (१३.४ टक्के), शाओमी (९.६ टक्के) व ओप्पो (८.९ टक्के) या कंपन्या आहेत.