Nepal Helicopter Crash: माउंट एव्हरेस्ट परिसरात दोन हेलिकॉप्टरची भीषण टक्कर

Download

Published By: धनश्री नाईक

Updated: Tue, 3 Nov 2026 (15:34 IST)

नेपाळच्या माउंट एव्हरेस्ट परिसरातून एक दुःखद बातमी समोर येत आहे. सोलुखुंबू जिल्ह्यातील फेरिचे हेलिपॅडवर सकाळी सुमारे ८:११ वाजता उतरताना दोन हेलिकॉप्टरची टक्कर झाली. या भीषण अपघातात एका परदेशी नागरिकाचा मृत्यू झाला, तर दुसरी व्यक्ती (पायलट) गंभीर जखमी झाली. घटनास्थळी मदत आणि बचाव कार्य वेगाने सुरू आहे.

अपघात कसा घडला?
नेपाळ पोलिसांच्या प्राथमिक अहवालानुसार, फिशटेल एअर आणि एअर डायनेस्टीची हेलिकॉप्टर फेरिचे हेलिपॅडवर उतरत असताना हा अपघात झाला. दोन्ही हेलिकॉप्टरची टक्कर झाली. या धडकेचा परिणाम इतका गंभीर होता की, फिशटेल एअरच्या एका प्रवाशाचा जागीच मृत्यू झाला. दरम्यान, जखमी व्यक्तीला प्रथमोपचार दिल्यानंतर प्रभू हेलिकॉप्टरने तातडीने लुक्ला रुग्णालयात हलवण्यात आले.

सोलुखुम्बुमा फिस्टल एयर र एयर डाइनेष्टीको हेलिकोप्टर यसरी ठोक्कियो।????️ #nepal #BreakingNews #everyoneシ゚ https://t.co/5nGYO8noK2

— Nirmal Prasai???????? (@NirmalPrasai5) November 3, 2026

मृत परदेशी नागरिकाची ओळख अद्याप उघड झालेली नाही आणि अपघाताच्या वेळी दोन्ही हेलिकॉप्टरमध्ये असलेल्या एकूण लोकांची संख्या निश्चित करण्यासाठी स्थानिक प्रशासन आणि हवाई वाहतूक अधिकारी काम करत आहे. एव्हरेस्ट परिसरातील या अचानक झालेल्या अपघातामुळे पर्यटन आणि हवाई वाहतूक क्षेत्रात घबराट पसरली आहे. अधिकाऱ्यांच्या म्हणण्यानुसार, सविस्तर माहिती गोळा केली जात असून परिस्थितीवर सतत लक्ष ठेवले जात आहे.