शाओमीचे खास बालकांसाठी फोन वॉच

शाओमीच्या मी बनी चिल्ड्रन फोन वॉच 2 सी या मॉडेलमध्ये नॅनो सीमकार्ड टाकण्याची सुविधा दिलेली आहे. याच्या मदतीने कॉल करता येतील. तसेच याचा वापर करून व्हाईस मॅसेजदेखील पाठवता येणार आहेत. यामध्ये संबंधित यूजर आपल्या पालकांच्या क्रमांकासह एकूण 10 मोबाइल क्रमांक सेव्ह करून ठेवू शकतो. त्यांना आपत्कालीन अवस्थेत संदेश पाठविण्याची सुविधा यात करण्यात आली आहे. कनेक्टीव्हिटीसाठी यामध्ये ब्ल्यू-टूथ आणि वाय-फायची सुविधा देण्यात आली आहे. यात 300 मिलीअँपिअर क्षमतेची बॅटरी देण्यात आलेली आहे. पहिल्यांदा हे मॉडेल चीनमध्ये सादर करण्यात आले आहे. नंतर याला भारतासह अन्य देशांमध्ये सादर करण्यात येईल अशी शक्यता आहे.