‘दलित’ हा शब्द असंवैधानिक आणि आक्षेपार्ह असून नागरिकांच्या भावना दुखविणारा आहे. त्यामुळे हा शब्द सरकारच्या रेकॉर्डवरून काढून टाकावा तसेच प्रिंट, इलेक्ट्रॉनिक आणि सोशल मीडियानेही या शब्दाचा वापर करू नये अशी मागणी करणारी जनहित याचिका नागपूर खंडपीठात अमरावती येथील भीमशक्तीचे विदर्भ महासचिव पंकज लीलाधर मेश्राम यांनी अॅड. शैलेश नारनवरे यांच्यामार्फत दाखल केली आहे. केंद्राने अधिसूचना काढावी, दलित शब्द वगळावा अशी मागणी अॅड. नारनवरे यांनी हायकोर्टाला केली होती. या दोन्ही मागण्या केंद्राने मान्य केल्या आहेत. यावेळी सचिवांनी ऍड. नारनवरे यांना सांगितले की, राज्य सरकारनेसुद्धा ‘दलित’ या शब्दाचा वापर न करता ‘अनुसूचित जाती’ आणि ‘नवबौद्ध’ या शब्दांचा वापर करण्यात येणार असल्याचे म्हटले आहे.