रोख रक्कम घोटाळ्यावरून उद्धव ठाकरेंचा भाजपवर हल्ला
महाराष्ट्र विधानसभा निवडणुकीसाठी मतदान सुरू होण्याच्या काही तास आधी, भाजपच्या एका ज्येष्ठ नेत्याने पैसे वाटप केल्याच्या आरोपांदरम्यान शिवसेना (यूबीटी) पक्षप्रमुख उद्धव ठाकरे यांनी मंगळवारी नोट जिहाद म्हणत भाजपचा खरपूस समाचार घेतला.
भाजपचे सरचिटणीस विनोद तावडे यांच्यावर बहुजन विकास आघाडी (बीव्हीए) प्रादेशिक संघटनेने पालघरमधील मतदारांना रोख रक्कम वाटप केल्याचा आरोप केला आहे, हा आरोप तावडे आणि भाजपने फेटाळला आहे. तावडे यांच्यावर केवळ गुन्हा नोंदवून पुरेसे होणार नाही, असे सांगत ठाकरे यांनी निवडणूक आयोगाकडे कठोर कारवाईची मागणी केली.
भाजप नेत्यांच्या 'बटेंगे तो कटेंगे' अशा घोषणा आणि 'व्होट जिहाद'च्या दाव्यांचा समाचार घेत ठाकरे यांनी विचारले की, हा भाजपचा नोट जिहाद आहे का? 'वाटा आणि जिंका'. हे संपूर्ण महाराष्ट्राने पाहिले आहे. उद्या महाराष्ट्र निर्णय घेईल. ठाकरे म्हणाले की, काही राज्यांमध्ये सरकारे पाडण्यात आणि नवीन सरकारे स्थापन करण्यात मदत केल्याबद्दल तावडे यांचे कौतुक करण्यात आले. आता यामागचे रहस्य उघड झाले आहे. बहुजन विकास आघाडी (BVA) प्रमुख हितेंद्र ठाकूर यांनी मतदारांना पैसे वाटल्याचा आरोप भाजपच्या सरचिटणीसांवर केला,प्रकरणाचा पुढील तपास सुरुआहै.
Edited By - Priya Dixit
