सिंगल चार्जमध्ये १२०० किमी रेंज! BYD घेऊन येत आहे भारतातील पहिली हायब्रिड कार; फीचर्स पाहूयात

Download

Written By: वेबदुनिया न्यूज टीम

Updated: Tue, 9 Jun 2026 (16:40 IST)

चिनी इलेक्ट्रिक कार निर्माता कंपनी बीवाईडी (BYD) ने भारत देशात आपली नवीन हायब्रिड तंत्रज्ञान प्रणाली सादर केली आहे. कंपनीने अधिकृतपणे 'डीएम-आय सुपर प्लग-इन हायब्रिड ईव्ही' (DM-i Super Plug-in Hybrid EV) तंत्रज्ञानाची ओळख करून दिली आहे. या अद्ययावत तंत्रज्ञानासह भारतात लॉंच होणारी पहिली कार बीवाईडी सील यू (BYD Seal U) ही असेल.

ब्रँडची पहिली हायब्रिड कार

आतापर्यंत BYD ने भारतीय बाजारपेठेत केवळ पूर्णपणे इलेक्ट्रिक (EV) कार्सच सादर केल्या आहेत, परंतु आता कंपनी आपले लक्ष हायब्रिड तंत्रज्ञानावर देखील केंद्रित करत आहे. ही कार प्लग-इन हायब्रिड तंत्रज्ञानाने सुसज्ज असणारी या ब्रँडची भारतातील पहिलीच कार ठरेल. विविध ऑटोमोबाईल रिपोर्ट्सनुसार, कंपनी आपली ही बहुप्रतिक्षित हायब्रिड कार या वर्षाच्या शेवटापर्यंत (२०२६ च्या अखेरीस) भारतीय बाजारपेठेत अधिकृतपणे विक्रीसाठी उपलब्ध करू शकते.

काय आहेत वैशिष्ट्ये?

अफाट ड्रायव्हिंग रेंज: या गाडीमध्ये वापरण्यात आलेली प्लग-इन हायब्रिड सिस्टीम पेट्रोल इंजिन आणि इलेक्ट्रिक मोटर अशा दोन्हीच्या मदतीने चालते. संपूर्ण चार्ज आणि फुल इंधन टाकीसह ही कार १,२०० किलोमीटरपेक्षा जास्त अंतराची अद्भूत रेंज देण्यास सक्षम असल्याचा दावा केला जात आहे.

प्युअर इव्ही मोड: केवळ बॅटरीच्या ऊर्जेवर ही कार साधारण ७० किलोमीटरपर्यंत धावू शकते, ज्यामुळे दैनंदिन शहर प्रवासाचा खर्च कमालीचा कमी होईल.

इंजिन क्षमता: यात १.५ लिटरचे टर्बो-पेट्रोल इंजिन दिले आहे, जे उत्तम थर्मल कार्यक्षमता प्रदान करते. हे तंत्रज्ञान प्रामुख्याने आधी इलेक्ट्रिक मोटरला प्राधान्य देते आणि गरजेनुसार पेट्रोल इंजिनचा वापर केला जातो.