जपानमध्ये नॅनोचे 'जय हो'

WD

WD

भारतात तयार करण्यात आलेल्या स्वस्तातल्या छोटी कारला पाहण्यासाठी जपान मधील ऑटो एक्सपोमध्ये लाखो लोक जमा होत असून, या कारने जपानमध्ये नुसता धुमाकूळ घातला आहे. नॅनोची वाढती लोकप्रियात पाहता जपानी कार उत्पादक कंपन्यांमध्ये चिंता वाढत आहे.

फुकुओका शहरात आयोजित मोटर शो दरम्यान जपानमधील अनेक प्रांतातून आणि राज्यातून कार प्रेमींनी इतकी गर्दी केली की, या शोमध्ये पहिल्यांदाच गर्दीने उच्चांक गाठला आहे.

जपानमधील सर्वात स्वस्त कारची किंमत सहा लाख रुपये आहे. नॅनो केवळ 2 लाखात मिळत असल्याने या कारला पाहण्यासाठी अनेक जण आवर्जून या शोला भेट देत असल्याचे आयोजकांचे म्हणणे आहे.

जागतिक बँकेचे अध्यक्ष रॉबर्ट जोएलिक यांनीही भारत भेट दरम्यान नॅनोचे तोंडभरून कौतुक केले होते.