1. मराठी बातम्या
  2. क्रिकेट मराठी
  3. क्रिकेट वृत्त
  4. BCCI honored the world champion under 19 women team

विश्वविजेत्या महिला टीमचा कौतुकसोहळा

भारतीय क्रिकेट नियामक मंडळाने (BCCI) अलीकडेच अहमदाबाद येथे महिला अंडर-19 T20 विश्वचषक विजेत्या संघाचा सत्कार केला. जगातील सर्वात मोठे क्रिकेट स्टेडियम असलेल्या नरेंद्र मोदी स्टेडियमवर झालेल्या सत्कार समारंभात बीसीसीआयने खेळाडूंना पाच कोटी रुपये बक्षीस म्हणून दिले. या कार्यक्रमात बीसीसीआयचे अध्यक्ष रॉजर बिन्नी, उपाध्यक्ष राजीव शुक्ला आणि सचिव जय शाह उपस्थित होते.
 
युवा महिला क्रिकेटपटूंना संबोधित करताना सचिन तेंडुलकर म्हणाले की मला अंडर-19 संघाचे अभिनंदन करायचे आहे. ही एक अद्भुत उपलब्धी आहे. संपूर्ण देश हा विजय साजरा करत आहे आणि येणाऱ्या काळात लोक यातून खूप प्रेरणा घेऊ शकतील. हा विश्वचषक जिंकल्याने अनेक तरुण मुलींना क्रिकेट खेळण्यासाठी प्रेरणा मिळाली आहे. भविष्यातही तुम्ही तरुणांना अशीच प्रेरणा देत राहाल अशी आशा आहे. आपण आपला पाया नेहमी लक्षात ठेवला पाहिजे. या विजयाचा पाया आपण कुठे घातला? बीसीसीआयचे अध्यक्ष रॉजर बिन्नी असोत की जय शाह किंवा राजीव शुक्ला यांचे योगदान आपण लक्षात ठेवले पाहिजे.
 
याशिवाय सचिन तेंडुलकरने आगामी महिला प्रीमियर लीगचेही कौतुक केले. ते म्हणाले की WPL ही खूप मोठी स्पर्धा आहे. मी स्त्री आणि पुरुषांसाठी समान विचार करतो. ही स्पर्धा आयोजित केल्याबद्दल मी बीसीसीआय आणि महिला खेळाडूंचे अभिनंदन करतो.
 
दक्षिण आफ्रिकेतील पॉचेफस्ट्रूम येथे रविवारी झालेल्या टी-20 विश्वचषकाच्या अंतिम सामन्यात भारताच्या 19 वर्षांखालील महिला संघाने इंग्लंडचा सात गडी राखून पराभव करत विश्वचषक जिंकला. महिला अंडर-19 T20 विश्वचषक स्पर्धेची ही पहिली आवृत्ती होती. त्यानंतर लगेचच जय शाहने 1 फेब्रुवारी रोजी अहमदाबाद येथे भारत आणि न्यूझीलंड यांच्यातील तिसरा टी-20 पाहण्यासाठी संघाला आमंत्रित केले. या विजयासह महिला क्रिकेटमधील ट्रॉफीसाठी भारताची प्रदीर्घ प्रतीक्षा संपुष्टात आली.
पुढील लेख
अंत्यसंस्कारापूर्वी 102 वर्षीय मृत महिला पुन्हा जिवंत