1. मराठी बातम्या
  2. क्रिकेट मराठी
  3. क्रिकेट वृत्त
  4. ICC Awards Suryakumar competes with Rizwan shortlisted for T20 Player of the Year

ICC Awards: सूर्यकुमार T20 प्लेयर ऑफ द इयरसाठी शॉर्टलिस्ट, रिझवानशी स्पर्धा

आंतरराष्ट्रीय क्रिकेट परिषदेने (ICC) 2022 च्या वार्षिक पुरस्कारासाठी खेळाडूंची नावे निवडली आहेत. भारताचा स्फोटक फलंदाज सूर्यकुमार यादवची T20 मध्ये निवड झाली आहे. त्याच्याशिवाय इतर तीन खेळाडूंनाही शॉर्टलिस्ट करण्यात आले होते. एकाही भारतीय खेळाडूला वनडेमध्ये स्थान मिळालेले नाही. दोन्ही फॉरमॅटमध्ये पाकिस्तानचा एक एक खेळाडू आहे. 
 
 सूर्यकुमार यादवशिवाय झिम्बाब्वेचा सिकंदर रझा, इंग्लंडचा सॅम करण आणि पाकिस्तानचा मोहम्मद रिझवान यांची वर्षातील सर्वोत्तम खेळाडूच्या पुरस्कारासाठी निवड झाली आहे. त्याचवेळी, एकदिवसीय क्रिकेटमध्ये पाकिस्तानचा कर्णधार बाबर आझमसह ऑस्ट्रेलियाचा अॅडम झाम्पा, झिम्बाब्वेचा सिकंदर रझा आणि वेस्ट इंडिजचा शाई होप यांची नावे शॉर्टलिस्ट करण्यात आली होती. दोन्ही फॉरमॅटमध्ये या पुरस्कारासाठी निवडण्यात आलेला सिकंदर रझा हा एकमेव खेळाडू आहे.
 
ऑस्ट्रेलियात झालेल्या टी-20 विश्वचषकादरम्यान सूर्यकुमार यादवने सहा डावांत तीन अर्धशतके झळकावली होती. यादरम्यान त्याने 59.75 च्या सरासरीने आणि 189.68 च्या स्ट्राईक रेटने 239 धावा केल्या. यावर्षी, सूर्यकुमार यादवने इंग्लंड आणि न्यूझीलंडविरुद्ध शतके झळकावली आणि आयसीसी टी-20 क्रमवारीत पहिल्या क्रमांकावर पोहोचला.

Edited By - Priya Dixit
पुढील लेख
EPL: मँचेस्टर युनायटेडने नॉटिंगहॅम फॉरेस्टचा 3-0 असा पराभव केला