Rishabh Pant Accident:ऋषभ पंतचा रस्ता अपघात कार डिव्हायडरला धडकली गंभीर दुखापत
टीम इंडियाचा स्टार क्रिकेटर ऋषभ पंत रस्ता अपघाताचा बळी ठरला आहे. रुरकी येथे त्यांची कार दुभाजकाला धडकली. या अपघातात पंतच्या डोक्याला आणि पायाला दुखापत झाली आहे. अपघातानंतर कारने पेट घेतला आणि कार पूर्णपणे जळून खाक झाली. पंतची प्लास्टिक सर्जरी होणार आहे. त्यामुळे डॉक्टरांनी त्यांना दिल्लीला रेफर केले आहे. पंत दिल्लीहून उत्तराखंडमधील आपल्या घरी परतत होते.
शुक्रवारी पहाटे रुरकीच्या नरसन सीमेवर हम्मादपूर झालजवळ त्यांची कार एका रेलिंगला धडकली. वाहनाची स्थिती पाहून वेगाचा अंदाज लावता येतो. ऋषभच्या डोक्याला, पाठीला आणि पायाला गंभीर दुखापत झाली आहे. पायाला फ्रॅक्चरही झाल्याचं सांगण्यात येत आहे. अद्याप पोलिस, प्रशासन किंवा रुग्णालय व्यवस्थापनाकडून कोणतेही अधिकृत वक्तव्य समोर आलेले नाही.
Edited By- Priya Dixit
