ICC Women's ODI Rankings: एकदिवसीय क्रमवारीत लॉरा वोल्वार्डला मागे टाकत स्मृती मंधाना अव्वल स्थानावर

भारतीय महिला संघाची उपकर्णधार स्मृती मंधानाने फलंदाजी क्रमवारीत एका स्थानाने प्रगती केली आहे. यापूर्वी लॉरा वोल्वार्ड्ट अव्वल स्थानावर होती, परंतु आता ती तिसऱ्या स्थानावर घसरली आहे. ऑस्ट्रेलियाची नताली सिव्हर ब्रंट 719 रेटिंग गुणांसह दुसऱ्या स्थानावर आहे. अव्वल स्थानावर असलेल्या मंधानाचे 727 रेटिंग गुण आहेत.

मंधाना नंतर, यादीत जेमिमा रॉड्रिग्ज आणि कर्णधार हरमनप्रीत कौर या दोन भारतीय फलंदाजांचा समावेश आहे. दोघेही अनुक्रमे 14 व्या आणि 15 व्या क्रमांकावर आहेत. भारत आणि इंग्लंड या महिन्याच्या अखेरीस पाच टी-20 आणि तीन एकदिवसीय सामन्यांची मालिका खेळणार आहेत. मंधाना 2019 च्या सुरुवातीपासूनच अव्वल स्थानासाठी झुंजत होती. तथापि, आता हा दुष्काळ संपला आहे. 

भारताची सलामीची फलंदाज सध्या जबरदस्त फॉर्ममध्ये आहे. तिने अलीकडेच श्रीलंका आणि दक्षिण आफ्रिकेविरुद्ध खेळल्या गेलेल्या तिरंगी मालिकेच्या अंतिम सामन्यात शानदार शतक झळकावले. मंधाना टी-20 आंतरराष्ट्रीय क्रिकेटमध्ये फलंदाजांच्या यादीत चौथ्या स्थानावर आहे.

Edited By - Priya Dixit