विमानात लठ्ठपणा पडणार महागात

आता मात्र काही विमान कंपन्या याबाबतीत नवा विचार करायला लागल्या आहेत. माणसाला तिकीट लावताना त्याच्या आकारावरून आणि वजनावर लावले जावे अशी कल्पना सॅमोआ बेटावरच्या विमान कंपनीने मांडली आहे. शेवटी विमान प्रवास आणि वजन यांचा काही संबंध जोडला जात असेल तर तो संबंध तसा माणसाच्या वजनालाही लागू झाला पाहिजे. 

या विमान कंपनीने म्हणून माणसांच्या तिकिटाचा एक तक्ता तयार केला आहे. त्यात प्रवासाचे दर माणूस किती लठ्ठ आहे यावरून दाखवले गेले आहेत. तिकिट काढणार प्रवाशाला ऑनलाईन तिकीट काढताना त्याचे वजन नमूद करावे लागेल. वजन वाढले की प्रवासाचे दरही वाढतील. सॅमोआ बेटावर लठ्ठपणा हा मोठाच प्रश्र्न आहे कारण या बेटाचा समावेश जगातल्या वजनदार लोकांच्या टॉप 10 च्या यादीत पहिल्यांदा केला जात असतो.