चित्रपट परीक्षण : 'पिप्सी' बालविश्वाचा रंजक अनुभव

marathi movie
Last Modified शनिवार, 28 जुलै 2018 (12:48 IST)
लहान मुलांच्या निरागस बालविश्वाचा पुरेपूर वापर आपल्याकडच्या सिनेमात केला जात नाही. तो केला, तर अनेक अनोख्या कल्पना, आपल्याला गवसू शकतात आणि छोट्यांच्या कल्पनेतली एक वेगळीच भावसृष्टी साकारू शकते. 'पिप्सी' सिनेमा पाहताना तसंच होतं. 'पिप्सी'ची गोष्ट निव्वळ चानी (मैथिली पटवर्धन) आणि तिचा मित्र बाळा (साहिल जोशी) या दोघांची किंवा त्यांच्या मैत्रीपुरतीच मर्यादित राहत नाही, ती गोष्ट अखिल बालविश्वाची होऊन जाते. कारण लहान वयात आई किंवा बाबा आजारी पडलेले असताना, ते लवकर बरे व्हावेत म्हणून अनेकानेक शक्कल प्रत्येकानेच लढवलेल्या असतात. फक्त
प्रत्येकानेच त्या आपल्या मनात खोलवर दडवून ठेवलेल्या असतात. चानीची आणि बाळ्याची गोष्ट भावते ती यामुळेच. खरंतर ही गोष्ट लहानग्या चानीचीच. पण बाळ्या तिच्या बालविश्वाचा अविभाज्य भाग असल्यामुळे चानीची गोष्ट त्याचीही होऊन जाते.
marathi movie
सिनेमाचा जीव खरंतर अगदी छोटा आहे. चानीची आई आजारी असते आणि ती जास्तीत जास्त तीन महिने जगेल, असं डॉक्टर चानीच्या वडिलांना सांगतात. ते वाक्य चानी ऐकते आणि गळाठून जाते. मग आईचा जीव वाचावा, यासाठी काय करता येईल, याच्या विचारात असताना तिच्या डोक्यात येतं-गोष्टीतल्या राक्षसाचा जीव पोपटात असतो, तसा आईचा जीव माशात असेल का? ती ही कल्पना बाळ्याला सांगते आणि मग सुरू होतो, आईचा जीव असलेल्या माशाचा शोध. आता नदी-तलाव-विहिरीतल्या एवढ्या माशांमधून नेमका हा मासा शोधायचा कसा?... तर एके दिवशी चानीच्या घरी रांधण्यासाठी मासे आणलेले असतात. त्यातला एक मासा जिवंत असतो. पाण्याविना तो तडफडत असतो... आणि चानीला त्यात आपल्या आईचा जीव दिसतो. ती लगेच त्याला उचलून ग्लासातल्या पाण्यात टाकते. तिथून चानी आणि बाळ्याचा हा मासा जगवण्याचा आटापिटा सुरू होतो. तो मासा बाटलीतल्या पिप्सीसारखाच काळा नि गोड असल्यामुळे ते त्याचं नाव ठेवतात-पिप्सी.
marathi movie
आता हा पिप्सी जगतो का आणि चानीच्या आईचं नेमकं काय होतं... हे कळण्यासाठी थिएटरमध्ये जाऊन सिनेमाच पाहावा लागेल. अर्थात तो पाहायला काहीच हरकत नाही. तुम्ही तुमच्याही नकळत एका बालविश्वाचा भाग होऊन जाल... अन् तरीही हा सिनेमा आहे त्यापेक्षा अधिक चांगला होऊ शकला असता, असं वाटत राहतं.
निर्मितीसंस्था - लँडमार्क फिल्म्स
लेखक - सौरभ भावे
दिग्दर्शक - रोहन देशपांडे
छायाचित्रण - दिवंगत अविराम मिश्रा
संगीत - देबार्पितो
गीत - ओमकार कुलकर्णी
कलाकार - मैथिली पटवर्धन, साहिल जोशी, अजय जाधव, अतुल महाले, अभिलाषा पाटील, पूजा नायक

दर्जा - तीन स्टार


यावर अधिक वाचा :

मुलगी लाजून म्हणाली असा काय पाहतोय

मुलगी लाजून म्हणाली असा काय पाहतोय
प्रेमी एकाच प्लेटमधून शेवपुरी खात होते मुलगा तिच्या डोळ्यात एकसारखा पाहतो मुलगी लाजून ...

साराला रोहित शेट्टीचं 'गोलमाल' उत्तर

साराला रोहित शेट्टीचं 'गोलमाल' उत्तर
बॉलिवूड अभिनेत्री सारा अली खान कोणत्या ना कोणत्या कारणामुळे नेहमीच चर्चेत असते. सध्या ...

वैभव तत्त्ववादी झळकणार बॉलिवूडच्या या अभिनेत्रीसोबत

वैभव तत्त्ववादी झळकणार बॉलिवूडच्या या अभिनेत्रीसोबत
हिंदी व मराठी चित्रपटसृष्टीत आपल्या अभिनय कौशल्यानं रसिकांच्या मनावर अधिराज्य गाजविणारा ...

केटी हे वागणे मुळीच बरोबर नाही

केटी हे वागणे मुळीच बरोबर नाही
सुप्रसिद्ध हॉलिवूड सिंगर केटी पेरीने मुंबईत परफॉर्म करून भारतीय चाहत्यांची मने जिंकलीत. ...

'गर्ल्स' डे आऊट

'गर्ल्स' डे आऊट
'गर्ल्स' डे आऊट हे शीर्षक वाचल्यानंतर मनात अनेक प्रश्न निर्माण झाले असतील. 'गर्ल्स' डे ...

काय म्हणता, अक्षय सर्वाधिक कमाई करणाऱ्या सेलीब्रेटीच्या ...

काय म्हणता, अक्षय सर्वाधिक कमाई करणाऱ्या सेलीब्रेटीच्या यादीत
अभिनेता अक्षय कुमार जगातील सर्वाधिक कमाई करणाऱ्या सेलीब्रेटीच्या यादीत सामील झाला आहे. ...

आतून अमिताभ बच्चन यांचे घर 'जलसा' असे दिसत आहे, फटोंमध्ये ...

आतून अमिताभ बच्चन यांचे घर 'जलसा' असे दिसत आहे, फटोंमध्ये बघा घराचा कोपरा कोपरा
बॉलीवूडचे मेगास्टार अमिताभ बच्चन हे चित्रपट क्षेत्रातील एक प्रतिष्ठित कुटुंब आहे. बिग ...

सुहाना मॉम गौरीसोबत पावसाचा आनंद घेत आहे, व्हायरल होत आहे ...

सुहाना मॉम गौरीसोबत पावसाचा आनंद घेत आहे, व्हायरल होत आहे तिचे फोटो
शाहरुख खानची मुलगी सुहाना खान सोशल मीडियाची फेवरिट आहे. सुहानाचे फोटो नेहमीच तिच्या ...

रामायणचा टी आर पी मालिका तोडणार 'ही' मालिका ?

रामायणचा टी आर पी मालिका तोडणार 'ही' मालिका ?
सध्या देशात लॉकडाऊनमुळे पौराणिक मालिकांचे टीव्ही अर्थात छोट्या पडद्यावर पुनरागम होताना ...

"दीपिका मोठ्या मोठ्या भूमिकादेखील सहज सुंदरतेने साकारते", ...

माधुरी दीक्षित भारतीय सिनेमातील सर्वात प्रतिष्ठित अभिनेत्रींपैकी एक आहे जिने अनेक ...